GRUPO NATURALISTA HÁBITAT

18-2-12: A realidade do lobo en Galicia

2012-02-16T19:36:00.000+01:00

O vindeiro sábado 18 de febreiro no C.E.N "Casa das Insuas" desenvolverase o monográfico "A realidade do lobo en Galicia" coa seguinte programación:

11:00 h. "O lobo en ambientes humanizados"
12:00 h. Mesa redonda-coloquio "A realidade do lobo en Galicia". Intervirán:

Luis Llaneza (ARENA S.L)

José Vicente López-Bao (ARENA S.L, Grimsö Wildlife Research Station)

Emilio García (ARENA S.L)

Cinco candidatas á ave máis singular de Galicia en 2011

2012-02-15T14:29:00.000+01:00

Xa hai finalistas para a quinta edición dos premios RARO e a segunda do VAIA FOTO!
A segunda rolda de votacións está aberta a todos os interesados até o vindeiro domingo 19 de febreiro ás 22 h.

Gaviota de Thayer Larus thayeri. San Cibrao (Lugo), 13 a 21 de marzo. Observadores: David Calleja e Raúl Carrillo. É, de ser homologada, a primera cita para España, e en Europa viuse menos de 20 veces.
Págalo polar Stercorarius maccormicki. Estaca de Bares (Mañón, A Coruña), 10 de setembro. Observadores: Antonio Sandoval, Ricardo Hevia, Dave McAdams, Toño Salazar, Mario Alonso e José Gómez Aparicio. De ser homologada, a primeira cita para Europa, España e Galicia.
Bisbita norteamericano Anthus rubescens. Parque de Bens (A Coruña, A Coruña), 27 de setembro. Observador: Cosme Damián Romay. De ser homologada, é a primeira cita para España e Galicia.
Mosquitero sombrío Phylloscopus fuscatus. Praia de Mar de Fóra (Fisterra, A Coruña), 30 de outubro. Observador: Daniel López Velasco. A primeira cita para España, de ser homologada, dun paxaro desta especie non capturado para anelamento.
Negrón de Stejneger Melanitta deglandi stejnegeri. Enseada de San Simón (Vigo, Pontevedra), 8 a 23 de decembro. Observador: José Ramón Gómez González. É a primeira cita para España e Galicia, de ser homologada. En Europa viuse menos de 10 veces.

Finalistas VAIA FOTO 2011:

Bisbita norteamericano Anthus rubescens. Parque de Bens (A Coruña). FOTO: Juan Sagardía.
Correlimos de Bonaparte Calidris fuscicollis. Praia da Ermida, Corme (A Coruña). FOTO: Daniel L. Velasco.
Fumarel aliblanco Chlydonias leucopterus. Encoro das Forcadas, Valdoviño (A Coruña). FOTO: Pablo Gutiérrez.
Paíño de Wilson Oceanites oceanicus. Costa de A Coruña. FOTO: Juan Sagardía.Mosquitero sombrío
Phylloscopus fuscatus. Fisterra (A Coruña). FOTO: Pablo Gutiérrez.

Na segunda rolda de votacións, aberta a todos os interesados até o vindeiro domingo 19 de febreiro ás 22 h, hai que escoller unha especie en cada categoría.

A información das distintas observacións, fotos candidatas e instruccións de votación están publicadas no blog www.travellingbirds.blogspot.com.

A entrega de premios terá lugar o domingo 26 de febreiro en Ortigueira (A Coruña) durante un xantar de confraternización aberto a todos os afeccionados á ornitoloxía e o bo comer, previo aviso á organización.

Renovación da Xunta Directiva

2012-02-01T11:55:00.000+01:00

Na Asemblea Extraordinaria do 20 de xaneiro de 2012, renováronse algúns cargos da Xunta Directiva do Grupo Naturalista Hábitat, que pasa a estar formada por:

Presidente: Santiago Vázquez Casás.
Vicepresidente: Roberto Vidal Pazos.
Secretario: Óscar Vázquez Casás.
Tesoureiro: Victor Souto Balado.
Vogalía de publicacións: Ricardo Ferreiro Sanjurjo.
Vogalía de dinamización: Belén Lorenzo Arenal.
Vogalía de divulgación: Cosme Damián Romay Cousido.
Vogalía de medios de comunicación: Atocha Ramos Martínez.
Vogalía da Sección Entomoloxía: Jorge Ramos Abuín.
Vogalía Fragas do Mandeo (nova vogalía): Antón Vázquez Corral.

RARO 2011: aberta a primeira rolda de votacións

2012-01-31T19:34:00.000+01:00

A quinta edición dos premios RARO recoñecerá a observación ornitolóxica máis singular entre quince nomeadas.
A primeira rolda de votacións está aberta a todos os interesados até o vindeiro venres 10 de febreiro ás 22 h.

Cada ano chegan a Galicia moitas especies de aves escasas ou que non son propias da nosa rexión, e coñécense como rarezas dentro do mundo da ornitoloxía. Pode tratarse tanto de aves de orixe americana, asiática ou africana, como propias doutras partes de España que resultan moi difíciles de ver no Noroeste peninsular. Estas observacións levantan unha expectación extraordinaria entre os ornitólogos, xa que supoñen unha oportunidade única de ver estas especies.

Este ano terá lugar a quinta edición dos premios RARO, dirixidos a destacar a observación ornitolóxica máis singular do ano, e a segunda do VAIA FOTO!, que premia a mellor fotografía dunha rareza en Galicia. Estes galardóns pretenden animar a todo o mundo a afeccionarse á observación de aves, unha actividade altamente satisfactoria e comprometida coa conservación do medio natural.

A primeira rolda de votacións está aberta a todos os interesados até o vindeiro venres 10 de febreiro ás 22 h, e hai que elixir a 5 dos 15 finalistas de cada categoría publicados no blog www.travellingbirds.blogspot.com. Na segunda rolda, que rematará o domingo 19 de febreiro ás 22 h, haberá que escoller un entre eses cinco. Para votar só hai que enviar un correo electrónico a Pablo Gutiérrez (pabletevarga(@)yahoo.es), membro do comité de rarezas da SEO e co-organizador dos premios RARO.

A entrega de premios terá lugar o domingo 26 de febreiro en Ortigueira (A Coruña) durante un xantar de confraternización aberto a todos os afeccionados á ornitoloxía e o bo comer, previo aviso á organización.

Na pasada edición dos premios RARO e VAIA FOTO! máis de 100 persoas votaron para elixir a observación máis excepcional e envexable, e a mellor foto do 2010, e case 40 asistentes participaron no xantar e a entrega de premios.

Os gañadores de anteriores edicións foron:

RARO07: Charadrius leschenaultii, 1 exemplar en Ponteceso (A Coruña) o 31 de xullo de 2007 (Marcos Otero e María Vidal). Esta limícola cría desde Turquía ata o leste de Asia, e inverna nas costas do océano Índico e as Australianas. Primeira cita para Galicia e terceira para España.
RARO08: Xenus cinereus, 1 exemplar en Baldaio (A Coruña) o 25 de xullo de 2008 (Xabi Varela Varela). Primeira cita para Galicia.
RARO09: Hippolais caligata, 1 exemplar en Cobas, Ferrol (A Coruña) o 8 de outubro de 2009 (Pablo Gutiérrez). Primeira cita para Galicia desta especie asiática.
RARO10: Phaeton aethereus, 1 exemplar pasando fronte a Estaca de Bares (A Coruña) o 18 de outubro de 2010 (Antonio Sandoval, Ricardo Hevia e Álvaro Barros). Primeira cita para Galicia, e primeira cita desde terra para península Ibérica e Europa continental.
VAIA FOTO!10: Empate entre Antonio Gutierrez (foto de Stercorarius longicaudus, págalo rabero) e José Luis Salaverri (foto de Anthus cervinus, bisbita gorgirrojo).

Resultados de Coruñaves 2012 (III maratón ornitolóxica no municipio da Coruña)

2012-01-16T09:32:00.003+01:00

O pasado domingo día 8 de xaneiro de 2012 celebrouse a terceira edición da maratón ornitolóxica do municipio da Coruña, organizada polo Grupo Naturalista Hábitat co apoio de Foto Artús. Esta maratón, bautizada este ano como Coruñaves 2012, tivo como principal obxectivo observar o maior número de especies de aves dentro do concello herculino ao longo dunha mañá en grupos de 2 ou 3 observadores.

Os tres equipos participantes foron:
Equipo A: Óscar Vázquez, Santi Vázquez e Luis Corral.
Equipo B: Alberto Monteagudo, Antía e Belén Lorenzo
Equipo C: Óscar Llama e Damián Romay

Ás 9:30 h partiron desde o local de Hábitat na rúa Camariñas, regresando a este ás 13:30 h, tras percorrer varios lugares do municipio a pé ou empregando as liñas de autobús público, garantindo así a absoluta sustentabilidade ecolóxica da iniciativa.

Os resultados finais foron moi notables, con 55 especies de aves vistas en total polos tres equipos, destacando as observacións de mergullón de pescozo negro (Podiceps nigricollis), gaivota arxéntea (Larus argentatus), arao (Uria aalge) e pardal montés (Passer montanus), todas elas especies escasas ou raras na Coruña. 22 especies foron vistas por un só dos grupos, conseguindo por elo 3 puntos. Outras 10 foron observadas por dous equipos (obtendo por isto 2 puntos) e 23 serían vistas polos tres equipos participantes (1 punto).

O equipo gañador, formado por Óscar Llama Palacios e Cosme Damián Romay Cousido, logrou observar 46 especies de aves, acumulando 84 puntos, en boa parte grazas a ver 15 especies non detectadas polos outros grupos.O premio foi unha cesta de produtos Hábitat, que incluía, entre outros agasallos, os derradeiros números de Chioglossa e A Mobella e un forro polar de Hábitat.

A continuación poder ver os resultados das especies avistadas por equipos e por zonas:

Asemblea extraordinaria-ordinaria 20-1-2012

2012-01-11T18:25:00.001+01:00

O vindeiro venres 20 de xaneiro de 2012 ás 19:30 h (20 h en segunda convocatoria) terá lugar a Asemblea Xeral Extraordinaria do Grupo Naturalista Hábitat, no local da rúa Camariñas 8, baixo (A Coruña).
Ver convocatoria e orde do día.

De seguido, celebrarase a Asemblea Xeral Ordinaria ás 20:30 h (21 h en segunda convocatoria).
Ver convocatoria e orde do día.

Nota: Podedes solicitar copia en formato dixital do resumo da asemblea anterior vía email a gnhabitat@yahoo.es.

A selva na casa

2012-01-11T18:24:00.000+01:00

La Asociación Herpetológica Española denuncia el uso sensacionalista y recreativo que se hace de los animales en el programa emitido por la cadena de televisión Cuatro “La Selva en Casa”.

Se queres ler o comunicado completo da AHE, preme AQUÍ.

6-1-2012 Día dos Prismáticos na ría do Burgo. Achégate ás aves!

2011-12-26T01:00:00.000+01:00

Como os Reis Magos, o Apalpador e o Pai Nadal soen portarse moi ben, hai moitos nenos e adultos que o 6 de xaneiro reciben uns prismáticos ou un telescopio, e achéganse á ría do Burgo para estrenalos.

Por iso, Hábitat organiza por primeira vez o Día dos Prismáticos, unha xornada divulgativa para achegar a observación de aves (e por que non, outra fauna) ao público xeral.

Terá lugar o venres 6 de xaneiro, día de Reis, no paseo marítimo da ría do Burgo (xunto ao xardín botánico) de 12 a 14 h e de 16 a 18 h. Ademáis de informar aos paseantes sobre como empregar o material óptico e as especies máis comúns que se poden ver na ria, poñeremos á súa disposición unhas cantas guías de campo, así como un pequeno mercadillo con material do Grupo (A Mobella, Chioglossa, calendarios, forros polares...) e outros produtos.

III maratón ornitolóxica na Coruña - CORUÑAVES 2012

2011-12-25T00:30:00.000+01:00

O vindeiro domingo 8 de xaneiro terá lugar a III maratón ornitolóxica no concello da Coruña - CORUÑAVES 2012.

Esta actividade lúdica consiste en ver por equipos o maior número de especies de aves posible dentro do municipio da Coruña, utilizando material óptico (prismáticos/telescopio) e medios de transporte respectuosos co entorno (bus urbano, bicicleta ou a pé).

Quedarase no local do Grupo, na rúa Camariñas 8, baixo (a 150 m da Domus) ás 9 da mañá. O prazo para ver aves será ata as 13.30 h, momento no que haberá que presentarse no local para facer o reconto de especies e declarar o equipo gañador, que levará un pequeno agasallo.

É moi importante chegar puntual, xa que un retraso supón a descalificación.

A continuación detállanse as bases, que podes descargar en formato PDF AQUÍ.

III maratón ornitolóxica no concello da Coruña

CORUÑAVES 2012

Bases

1. Participantes: poderán participar na maratón Coruñaves 2012 todas aquelas persoas que o desexen. Formaranse equipos de 2 ou 3 participantes, segundo o número de inscritos.

2. Inscrición: a inscrición é gratuíta e o prazo estará aberto ata o día anterior á celebración da maratón. Realizarase por teléfono (981 135 014) ou correo electrónico (gnhabitat@yahoo.es), indicando nome completo e datos de contacto (e-mail e teléfono).

3. Localización: só se permitirá ver aves dentro dos límites do municipio da Coruña. Para a zona marítima, considérase a metade occidental da ría da Coruña e metade oeste da zona externa da ría do Burgo. Serán válidos os avistamentos mar afora da costa norte do municipio, sen límite de distancia. O punto de saída e de chegada será o local do Grupo Naturalista Hábitat, situado na rúa Camariñas nº 8 (baixo) da Coruña (a 150 m da Domus).

4. Horario: os participantes deberán presentarse no local do Grupo ás 9.00 h, para organizar os grupos, repartir o material e lembrar as normas. A saída será ás 9.30 h. O prazo para ver aves estenderase ata as 13.30 h, momento no que deberán presentarse de novo no local do Grupo. É moi importante chegar puntual, xa que un retraso (incluso duns poucos minutos) supón a descualificación do equipo.

5. Material: permitirase o uso de prismáticos e/ou telescopio, así como cámaras fotográficas. Cada participante achegará o seu material, agás a ficha para anotar as observacións, que será facilitada por Hábitat.

6. Medios de transporte e comportamento: será obrigatorio o uso de medios de transporte ambientalmente sostibles (isto é, bus urbano, bicicleta ou a pé). Os participantes deberán ser respectuosos co contorno e non molestar á fauna nin prexudicar á flora.

7. Especies válidas e sistema de puntuación: terán validez só as especies vistas e/ou escoitadas por todos os membros do equipo dentro do municipio da Coruña. Todas as especies deben ser anotadas na lista impresa facilitada por Hábitat. Ao finalizar a maratón, contabilizaranse todas as especies detectadas, que puntuarán do seguinte xeito:

3 puntos por cada especie vista só por un dos equipos participantes.

2 puntos por cada especie vista só por dous dos equipos participantes.

1 punto por cada especie vista por tres ou máis equipos.

Non se terán en conta as especies domésticas, exóticas e/ou escapadas.

8. Reconto de especies e puntos: ás 13.30 h no local do Grupo terá lugar o reconto de especies detectadas por cada equipo, a asignación de puntos e a declaración do equipo gañador. No caso de empate no número de puntos, valorarase a cantidade de especies vistas exclusivamente por cada equipo empatado para resolver o empate.

9. Premio: o equipo gañador será agasallado cunha cesta de produtos “Hábitat”.

10. A participación neste certame supón a aceptación das presentes bases. Calquera dúbida ou cuestión que aconteza e non estea recollida nas mesmas será aclarada pola Xunta Directiva do Grupo Naturalista Hábitat (gnhabitat@yahoo.es - 981 135 014).

O Grupo Naturalista Hábitat deséxavos...

2011-12-23T10:58:00.001+01:00

Encontros Naturalistas 23-12: xestión cinexética sostible

2011-12-21T10:30:00.000+01:00

O vindeiro venres 23 de decembro contaremos de novo cun interesante relatorio do Dr. Carlos Nores, Profesor da Universidade de Oviedo, Subdirector da fundación Oso Pardo e do INDUROT (Instituto de Recursos Naturales y Ordenación del Territorio) e especialista na bioloxía, distribución e conservación de mamíferos.

A charla terá lugar no local do Grupo Naturalista Hábitat, Rúa Camariñas, 8-baixo (xunto á praza de Monte Alto) A Coruña, o venres 23 de decembro ás 20:30 h, e leva como título "Bases metodolóxicas do seguimento das especies cinexéticas e a súa xestión sostible".

Dado que o aforo é limitado, pregamos confirmedes a vosa asistencia cun día de antelación no e-mail do grupo (gnhabitat@yahoo.es) co asunto "ASISTENCIA".

Graciñas!.

Áreas prioritarias para avifauna

2011-12-20T10:10:00.000+01:00

DOG 21/12/2011
Consellería do Medio Rural
RESOLUCIÓN do 28 de novembro de 2011, da Dirección Xeral de Conservación da Natureza, pola que se delimitan as áreas prioritarias de reprodución, de alimentación, de dispersión e de concentración local de aves incluídas no Catálogo galego de especies ameazadas, e se dispón a publicación das zonas de protección existentes na Comunidade Autónoma de Galicia en que serán de aplicación medidas para a protección da avifauna contra a colisión e a electrocución en liñas eléctricas de alta tensión.

Ver resolución completa en PDF.

Calendario 2012 e Chioglossa III

2011-12-15T10:40:00.000+01:00

Comprácenos anunciar que xa temos impreso o volume III da Chioglossa, tamén dispoñible en formato dixital na web www.chioglossa.com.

Tamén dispoñemos en papel do calendario de 2012, que desta vez trata sobre o Espazo Natural de Interese Local illas do Portiño.

Os socios do Grupo recibirán en breve por correo postal estas dúas publicacións, xunto coa convocatoria de asemblea de xaneiro. Se non es socio e queres facerte con elas, contacta connosco!

RD 1628/2011. Catálogo español de especies exóticas invasoras

2011-12-13T20:50:00.000+01:00

Real Decreto 1628/2011, de 14 de noviembre, por el que se regula el listado y catálogo español de especies exóticas invasoras.

Ver PDF (BOE 12/12/2011)

Entrevista a Hábitat en Radiofusión

2011-12-07T18:50:00.000+01:00

O pasado 7 de decembro de 2011, o programa O Viraventos de Radiofusión, a programación conxunta das Emisoras Municipais Galegas, contou coa participación do Grupo Naturalista Hábitat, grazas á FEG.

A entrevista, ofrecida por Damián Romay, tratou principalmente sobre o proxecto FAME no que estamos a colaborar, e sobre o que podes informarte AQUÍ.

Podes ver a nova en prensa ou escoitar/descargar o arquivo MP3 da entrevista.

RD 1599/2011. Red de Áreas Marinas Protegidas de España

2011-12-07T10:25:00.001+01:00

Real Decreto 1599/2011, de 4 de noviembre, por el que se establecen los criterios de integración de los espacios marinos protegidos en la Red de Áreas Marinas Protegidas de España.

Ver PDF (BOE 07/12/2011)

Encontros Naturalistas 4-12: censo de aves invernantes na ria de Betanzos

2011-11-20T19:31:00.001+01:00

O domingo 4 de decembro tivo lugar o censo coordinado de aves invernantes na ria de Betanzos.

O obxectivo era coñecer coa maior precisión posible as especies que pasan o inverno nesta área, e o seu número aproximado de individuos. Para isto, é imprescindible que varias persoas censen á vez a ria dende distintos puntos de observación, para evitar pasar por alto algunhas aves e contar outras por duplicado.

Hábitat colabora co proxecto FAME para a conservación das aves mariñas no Atlántico europeo

2011-11-09T19:10:00.000+01:00

FAME (Future of the Atlantic Marine Environment) é un proxecto Interreg que se está a desenvolver na área Atlántica Europea e no que participan o cinco países a través dos seus respectivos socios de BirdLife: Reino Unido (RSPB, líder do proxecto), Irlanda (BirdWatch Ireland), Francia (LPO), España (SEO/BirdLife) e Portugal (SPEA).

O obxectivo principal do proxecto é contribuír á conservación das aves mariñas e do seu hábitat. Para iso, téntanse detectar as ameazas presentes no medio mariño atlántico, tales como a degradación do entorno e a perda da biodiversidade, e achegar resultados tanxibles para mellorar a calidade de datos disponibles e porén, o coñecemento do medio mariño.Actualmente, Reino Unido, Irlanda e Francia dedican un especial esforzo á identificación de zonas importantes para as aves mariñas (IBAs). España e Portugal xa teñen os deberes feitos, e o seu traballo céntrase máis en estudar as ameazas que as aves atopan no medio mariño e en buscar medidas de xestión que minimicen o seu impacto, tratando de conseguir a participación dos sectores implicados.

Unha das actividades que SEO/Birdlife organiza para avaliar o impacto de actividades como a pesca ou os parques eólicos mariños nas aves é a prospección de praias para a recollida e posterior análise de aves abeiradas.

O Grupo Naturalista Hábitat encargarase dende outubro de 2011 a decembro de 2012 do tramo Costa da Morte, que inclúe as praias de Seiruga e Malpica en Malpica, Traba e Laxe en Laxe, e a Barra en Ponteceso.

Lotería de Nadal de Hábitat 39296

2011-11-03T09:07:00.000+01:00

Xa podes facerte cunha participación da lotería de Hábitat. Pasa polo local para mercala os mércores entre 20.30 e 22.30 ou os días con Encontros Naturalistas.
Se non podes, contacta connosco e buscaremos a forma de arranxalo.

Biodiversidad virtual

2011-10-27T18:46:00.000+02:00

Unha das webs máis útiles e interesantes para os amantes do medio natural é Biodiversidad Virtual, unha plataforma cidadá financiada e xestionada pola asociación sen ánimo de lucro Fotografía y Biodiversidad.

A través dela recompílanse datos da biodiversidade mediante fotografías dixitais xeoreferenciadas co obxecto de favorecer o coñecemento da biodiversidade, divulgar a súa importancia e conservar o noso patrimonio natural.

Ademáis de ofrecer unha base de datos moi interesante, de carácter público, e con fotografías, axudan ao coñecemento da biodiversidade identificando as especies fotografiadas polos membros.

Encontros Naturalistas 27-10-11. Cogomelos da comarca da Coruña

2011-10-25T19:08:00.003+02:00

Este xoves, 27 de outubro, contaremos no local do grupo coa presencia do micólogo José Manuel Traba quen nos dará unha moi interesante charla sobre os cogomelos. Unha introducción sobre estas peculiares formas de vida, achegándonos, en concreto, ás formas máis fácilmente observables do noso entorno.

Para facilitar a organización, agradecemos que confirmedes a asistencia ao evento enviando un correo electónico co asunto ASISTENCIA ao enderezo do grupo.

Proposta de novas ZEPA mariñas

2011-10-21T09:59:00.001+02:00

O 18 de outubro publicouse o Borrador de Orde Ministerial pola que se declaran as Zonas de Especial Protección para as Aves (ZEPA) Mariñas de España.

Dito borrador atópase en período de información pública ata o 8 de novembro, e en función das alegacións recibidas neste prazo, poderá axustarse os límites xeográficos das ZEPA Mariñas.

As ZEPA propostas en Galicia son cinco:
ES0000495 Punta de Candelaria-Ría de Ortigueira-Estaca de Bares
Ficha Mapa
ES0000496 Costa de Ferrolterra-Valdoviño
Ficha   Mapa
ES0000497 Costa da Morte
Ficha   Mapa
ES0000498 Banco de Galicia
Ficha   Mapa
ES0000499 Entorno marino de las Rías Baixas
Ficha   Mapa

Outros documentos de interese:

Principios xerais de xestión da Rede de ZEPA mariñas

Plano de ZEPAs propostas en España

Máis información: MMARM

Chega o outono

2011-10-05T11:52:00.002+02:00

O outono xa está aquí, e por iso estamos a organizar un magosto para o vindeiro domingo 23 de outubro. Faremos unha pequena excursión de mañá na zona da ría de Betanzos no concello de Miño, seguida dun xantar no que non faltarán as castañas.

Se queres participar nesta xornada de lecer e natureza, envía un email a gnhabitat@yahoo.es ou chama ao 981 135 014 antes deste venres 21 de outubro ás 20 h.

Novos contidos na web

2011-09-30T11:56:00.000+02:00

Xa está dispoñible en formato PDF o número 18 da revista A Mobella, correspondente ao ano 2011. Os socios xa deben tela na casa a estas alturas, posto que se lles enviou por correo postal.

Outra das novidades é a sección Tenda, na cal están expostos os produtos que o Grupo Naturalista Hábitat pon á venda para o público xeral.

Lembra que os socios de Hábitat reciben de balde un exemplar de A Mobella, Chioglossa e o calendario.

Asemblea Xeral Ordinaria 29-9-2011

2011-09-29T20:30:00.000+02:00

Orde do día:

1º/ Aprobación da Acta da Asemblea anterior.
2º/ Estado actual das contas. Balance do último semestre.
3º/ Altas e baixas de socios.
4º/ Balance de actividades do último semestre.
5º/ Presentación da Chioglossa nº 3.
6º/ Estado actual das publicacións e páxina web.
7º/ Situación das actividades de 2011.
8º/ Situación dos proxectos de custodia do territorio.
9º/ Rogos e preguntas.

Xunto coa convocatoria de Xunta Xeral, remitiuse aos socios a seguinte documentación:

Borrador da Acta da Asemblea anterior

A Mobella nº18

Tríptico do Proxecto Moucho

Tríptico con información actualizada do Grupo para a campaña "Socio fai un Socio"

Tríptico da Fundación Fragas do Mandeo

O 3º número da Chioglossa publicarase en outubro

2011-08-29T09:13:00.003+02:00

O terceiro número da revista Chioglossa, que publica o Grupo Naturalista Hábitat, está na fase final da súa edición e verá a luz en outubro de 2011.

Este novo volume contará con diversos artigos sobre aves, mamíferos, odonatos e carábidos de Galicia, Asturias, Euskadi e Navarra.

No portelo web da publicación, www.chioglossa.com, xa están dispoñibles aqueles artigos que remataron o proceso de revisión.

A revista Chioglossa é un medio de expresión científica aberto a naturalistas e investigadores, tanto profesionais como afeccionados serios, interesados na flora e fauna da Península Ibérica en xeral, e, particularmente, na que vive no noroeste ibérico. Nela publícanse traballos orixinais que fagan referencia a aspectos dos ámbitos da ecoloxía, bioxeografía e conservación.

Encontros Naturalistas 25-8-2011. Ecoloxía e impacto humano no Mandeo

2011-08-21T15:29:00.004+02:00

A sesión Encontros Naturalistas do mes de agosto correrá a cargo de Jorge Ramos Abuín, Licenciado en Bioloxía Animal pola Universidade de Santiago, relator en diferentes xornadas e congresos de entomoloxía. Ten publicado un libro de texto de bioloxía e numerosos artigos entomolóxicos. Da sua labor investigadora recente destacamos o proxecto Transgalaica, a súa intervención no descubrimento da larva de Cychrus spinicollis e a redescrición da larva de Eucarabus deyrollei.

Na charla, comentará os aspectos máis destacados da ecoloxía do río Mandeo, así como as ameazas ás que se ve sometido por parte do home. Terá lugar o xoves 25 de agosto ás 20.30 h. no local do Grupo Naturalista Hábitat (rúa Camariñas 8 baixo, A Coruña).

Para facilitar a organización, agradecemos que confirmedes a asistencia ao evento coa maior antelación posible enviando un correo electrónico co asunto ASISTENCIA a gnhabitat@yahoo.es.

Noite Europea dos Morcegos 2011 - 27 de agosto en Rábade (Lugo)

2011-08-19T08:50:00.001+02:00

Un ano máis, a asociación conservacionista Drosera participa na NOITE EUROPEA DOS MORCEGOS 2011 organizando unha serie de actividades para favorecer o coñecemento e conservación dos morcegos.

As actividades previstas, que terán lugar na Casa das Ínsuas de Rábade o vindeiro sábado 27 de agosto, son as seguintes:

17:00 Apertura da exposición e comezo dos obradoiros (construcción de distintos tipos de refuxios para morcegos, origamis e máis!).
18:30 Proxección dun audiovisual sobre morcegos.
19:30 Charla sobre os morcegos en Galicia (novos avances no coñecemento e conservación, uso de refuxios e máis!).
21:15 Roteiro pola beira do Miño para observar e escoitar aos morcegos coa axuda de detectores de ultrasóns.
22:30 Peche da actividade

Esta xornada está organizada en colaboración coa Asociación Española para la Conservación y el Estudio de los Murciélagos - SECEMU.

Se queres profundizar no coñecemento dos morcegos, visita a web Morcegos de Galicia, un proxecto do Grupo Galego de Ecoloxía e Conservación de Quirópteros (GCECQ) de Drosera para mellorar o coñecemento deste grupo de mamíferos, favorecer a súa conservación e dalos a coñecer á sociedade.

Aumenta a biblioteca do GN Hábitat

2011-08-18T12:24:00.004+02:00

O Grupo Naturalista Hábitat ven de incrementar a súa biblioteca coa doazón por parte da Consejería de Medio Ambiente da Junta de Andalucía de tres obras editadas por dita entidade.

Odonatos
T. Herrera Grao, O. Gavira Romero & F. Blanco Garrido (2010).

Descargar obra completa en PDF

Habitantes del agua. Macrófitos
P. García Murillo, R. Fernández Zamudio & S. Cirujano Bracamonte (2010).

Descargar obra completa en PDF

Especies vegetales invasoras en Andalucía
E. D. Dana, M. Sanz, S. Vivas & E. Sobrino (2005).

Descargar obra completa en PDF

O Grupo Naturalista Hábitat quere expresar o seu máis sentido agradecemento á Consejería de Medio Ambiente da Junta de Andalucía pola doazón destas obras e pola súa pronta resposta.

Hábitat colabora nos actos do aniversario da Fundación Fragas do Mandeo

2011-07-07T09:03:00.005+02:00

Fragas do Mandeo, o fondo de conservación da natureza de As Mariñas, ven de cumplir un ano dende a sinatura da escritura pública de constitución. Para celebrar o aniversario, organizáronse unha serie de actos nos que o Grupo Naturalista Hábitat participou activamente:

Acto de presentación
O venres 1 de xullo no Liceo de Betanzos fíxose unha presentación da fundación, a custodia do territorio e do traballo feito neste primeiro ano de vida. A charla estivo acompañada de dúas proxeccións fotográficas de especialistas en retratar a natureza:

Noroeste, imaxes de aves acuáticas de Álvaro Fernández Polo e Antonio Ramos Souto, da Asociación Ornitolóxica Calidris, que nos permitirá coñecer mellor a avifauna da ría de Betanzos e de Galicia.
Tesouros Mariñáns, fotografías da fauna e flora do río Mandeo, tomadas por Manuel Cañás.

Pasando á acción
O domingo 3 de xullo levouse a cabo a retirada de lixo e eliminación de especies alóctonas invasoras na praia da Alameda en Ponte do Porco (Miño).
As especies diana foron a uña de gato (Carpobrotus edulis) e os plumeiros (Cortaderia selloana). A mata de uña de gato (Carpobrotus edulis), que cubría unha extensión de 30 metros cadrados, foi totalmente arrincada de raíz. Tamén se arrincaron os 61 pes de plumeiros (Cortaderia selloana), pero neste caso non foi tan doado. Aparentemente aínda eran pequenos e o chan areoso debería facilitar o arranque, pero o certo foi que as extensas e fortes raíces obrigaron a traballar duro, e incluso o mango dalgunha pala rompeu. A calor do día non axudou, e traballar con manga corta supuxo que algúns acabaran cos brazos lacerados (as follas teñen un borde serrado e cortante).
Mentres uns arrincaban as invasoras, outros voluntarios recollían lixo. Na praia da Alameda está citado un escaravello ameazado, a Eurynebria complanata, cuxa poboación mundial está en franca regresión, polo que hai que tomar medidas precautorias. A recollida manual do lixo evita o uso de maquinaria pesada que pode afectar gravemente á poboación presente.
Esta actividade contou cos correspondentes permisos da Dirección Xeral de Conservación da Natureza (Xunta de Galicia) e de Demarcación de Costas de Galicia (Ministerio de Medio Ambiente y Medio Rural y Marino), colaborando o Concello de Miño no transporte e eliminación dos residuos.

Sociedade solidaria
Tamén o domingo 3 de xullo instalouse un rastrillo solidario na praza do Campo (Betanzos), para recoller fondos destinados á custodia do territorio en As Mariñas.
Ademais de ofrecer información sobre os obxectivos de Fragas do Mandeo, nos case 20 metros de posto puxéronse á venda produtos de todo tipo: libros, cristalería, louza, obxectos de regalo, discos, complementos, etc. As gangas estimularon as ventas e os obxectos atoparon un novo destino, facendo realidade a segunda acción do principio das tres erres: «reduce, reutiliza, recicla». Os fondos recollidos serán destinados á adquisición de fincas de interese ambiental na bisbarra.

Agradecementos
Temos que agradecer ao Concello de Miño e aos membros de Protección Civil a colaboración no transporte do lixo e dos residuos das plantas invasoras para o seu posterior tratamento; ao Concello de Betanzos por cedernos o salón azul e as mesas para o rastrillo; ás persoas e entidades que nos axudaron dunha ou outra maneira e que doaron os produtos en venta, entre eles a Biblioteca Central Rialeda, as asociacións Eira Vella, Lar de Unta e O Rabo do Galo, Sociedade Galega de Historia Natural, Grupo Ornitolóxico Calidris e ó fotógrafo Manuel Cañás.
Pero sobre todo, agradecer ós 23 voluntarios que traballaron activamente nos preparativos e nas dúas xornadas do evento.

Censo de Carpobrotus sp. desde Caión (A Laracha) a Praia de Alba (Arteixo)

2011-06-12T17:34:00.002+02:00

A unlla de gato (Carpobrotus edulis e C. acinaciformis) é unha planta surafricana de gran potencial invasor, pola súa adaptabilidade a novos hábitats e capacidade de rebrote unha vez cortada, entre outras características. Supón unha ameaza para a flora autóctona xa que provoca a extinción de especies nativas ou o empobrecemento da biodiversidade por competencia.

Dende o Grupo Naturalista Hábitat, aínda sabedores de que hai outras ameazas dos ecosistemas costeiros se cadra máis graves, decidimos abordar o problema que supón esta planta invasora por axustarse a un obxectivo ambiental asequible por medio do voluntariado.

No 2008 e 2009 censamos as poboacións de unlla de gato do LIC Costa da Morte e do litoral do Concello de Arteixo, e mesmo eliminamos algunhas desas poboacións, coa colaboración de socios e voluntarios. Coma continuación deses traballos organizamos un novo censo de Carpobrotus sp. que cubrirá o tramo comprendido entre Caión (A Laracha) e a Praia de Alba (Arteixo), conectando así as zonas traballadas en anos anteriores.

O censo consiste en percorrer a pé tramos de costa, rexistrando as matas de unlla de gato existentes, e tomando para cada unha delas unha serie de datos sinxelos (posición xeográfica, tamaño da mata, zona onde crece, etc.).

Convidámosvos a participar nesta actividade que terá lugar o vindeiro domingo 26 de xuño pola mañá. Para facilitar a organización, prégase confirmación previa no correo gnhabitat@yahoo.es ou no teléfono 981135014. O material necesario para o desenvolvemento da actividade será aportado polo Grupo Naturalista Hábitat.

Gracias pola vosa colaboración!

Training Day. 25 de xuño: odonatos en Monforte (Lugo)

2011-06-10T08:26:00.003+02:00

O vindeiro 25 de xuño, o grupo Naturalista Hábitat en colaboración coas asociacións Saramaganta, Drosera, Numenius e Asociación Galega de Custodia do Territorio, no marco das actividades realizadas dentro do Centro de Conservación e Estudo da Natureza “Casa das Ínsuas”, organizan un novo Training Day para o desfrute e mellora do noso coñecemento sobre a comunidade de odonatos do val de Lemos (Monforte e arredores).

Para a realización desta actividade contaremos cos amplos coñecementos do catedrático en ecoloxía Adolfo Cordero, profesor da EEF da Universidade de Vigo.

Este Training Day realizarase o 25 de xuño (sábado) ás 11:00 h na localidade de Ribasaltas, ó norte de Monforte de Lemos (ver MAPA).

Realizaremos unha visita ás principais zonas húmidas do val, prestando atención ás diferentes especies de odonatos presentes neste sector do val do río Cabe. Para abrir boca, a zona foi visitada brevemente este fin de semana por Martiño Cabana e Anxos Romeo, e puideron detectarse as seguintes especies nos puntos que visitaremos (21 especies):
Calopteryx virgo
Calopteryx xanthostoma
Lestes barbarus
Lestes dryas
Sympecma fusca
Ceriagrion tenellum
Coenagrion mercuriale
Coenagrion puella
Coenagrion scitulum
Enallagma cyathigerum
Ischnura graellsii
Pyrrhosoma nymphula
Platycnemis acutipennis
Aeshna mixta
Anax imperator
Gomphus pulchellus
Crocothemis erythraea
Libellula depressa
Libellula quadrimaculata
Orthetrum cancellatum
Sympetrum fonscolombei
Na zona de Monforte coinciden 3 das especies máis ameazadas de Galicia que poderían ser observadas: Macromia splendens, Oxygastra curtisii e Gomphus graslinii.

LEMBRAR, coma sempre:

Os Training Days son gratuítos pero non se cubre ningún gasto. É obrigatorio solicitar reserva de prazas debido a que hai prazas limitadas. Enviádeme un correo co voso nome e un teléfono móbil (necesario por seguridade e para quedar no punto de encontro).

Os desprazamentos levaranse a cabo en vehículos propios. Como a orixe de cada persoa é dun lugar diferente de Galicia é imposible o aluguer dun autobús. Indicádeme o lugar de orixe, se dispoñedes de vehículo propio e se este ten prazas libres para agrupar ós participantes no menor número posible de coches. Recordade que debemos minimizar o gasto de combustibles fósiles e a emisión de CO2 á atmosfera.

Para a comida recomendamos levar bocata ou similar para non gastar moito tempo. Non pararemos en ningún lugar para facer compra polo que a comida debe traerse de casa. Non vos esquezades da bebida. Recordade que Enciña da Lastra está situada nunha zona mediterránea de moita calor polo que pode ser necesario moita cantidade de auga, gafas de sol e protección solar.

Para calquera dúbida, podedes poñervos en contacto con nós en calquera momento.

Xornada técnica: Estratexias de Conservación e Posta en Valor de Espazos Naturais nas Mariñas–Betanzos

2011-06-01T17:20:00.002+02:00

O Grupo Naturalista Hábitat é o coordinador das Xornadas Técnicas para a elaboración dunha Estratexia Medioambiental nos Grupos de Desenvolvemento Rural “EuroEume”, “As Mariñas-Betanzos” e “Comarca de Ordes”.

O GN Hábitat encargouse, en cooperación coa xerencia dos GDR, da elaboración dos obxectivos específicos das xornadas, da selección das áreas de coñecemento e da proposta do panel de expertos que desenvolveron os informes para cada unha destas áreas.

Froito disto, Hábitat colabora agora na coordinación da xornada técnica "Estratexias de Conservación e Posta en Valor de Espazos Naturais no Territorio Mariñas –Betanzos", que terá lugar o vindeiro venres 17 de xuño na sede do CEIDA (Castelo de Santa Cruz, Liáns, Oleiros). Alí terá lugar a exposición pública dos resultados acadados en ditas xornadas. Para máis información, consulta o tríptico informativo e o cartel.

O GN Hábitat convida a tódolos seus socios a dita presentación e agradece a máxima difusión deste acto. A asistencia será gratuita, sendo necesario cubrir o impreso incluido no tríptico e remitilo ao correo info@marinasbetanzos.org ou por fax ó 981 673 574.

Encontros Naturalistas 27 de maio: O CLIMA DA TERRA

2011-05-19T18:55:00.002+02:00

A sesión Encontros Naturalistas do mes de maio contará coa intervención de Armand Hernández, doutor en Xeoloxía, que nos achegará ao clima da Terra. Na charla, farase un repaso da historia climática do planeta e exporanse os principais modelos predictivos do clima futuro.

A charla será o venres 27 de maio ás 20.30 h no local do Grupo Naturalista Hábitat (rúa Camariñas 8 baixo, A Coruña).

Para facilitar a organización, agradecemos que confirmedes a asistencia ao evento coa maior antelación posible enviando un correo electónico co asunto ASISTENCIA a gnhabitat@yahoo.es.

Encontros Naturalistas 8 de abril: o programa SACRE en Galicia

2011-04-02T22:38:00.007+02:00

Coincidindo co inicio dunha nova tempada do programa SACRE (Seguimento de Aves Comúns Reprodutoras de España) que desenvolve SEO/Birdlife, a comezos de abril celebraranse xornadas formativas nas catro provincias galegas.

O Grupo Naturalista Hábitat colabora coa organización e acollerá unha charla formativa dentro da actividade ENCONTROS NATURALISTAS o vindeiro 8 de abril de 2011 ás 20.30 h no local do grupo.

O relator será Alexandre Justo Álvarez, licenciado en Bioloxía pola Universidade de Santiago de Compostela. Actualmente traballa como técnico de avifauna no "Parque Natural de los Alcornocales" na provincia de Cádiz, é vogal da SGO e coordina o programa SACRE en Galicia. Falará dos obxectivos deste programa de seguimento de aves, da metodoloxía de traballo e dos resultados de cobertura acadados ata o momento.

A xornada está aberta a todas as persoas interesadas nas aves e nela falarase sobre os obxectivos do programa, os fundamentos da metodoloxía de traballo, a cobertura de mostraxe actual e as dúbidas e
problemas do traballo de campo.

O programa SACRE consiste en efectuar censos anuais nos mesmos puntos en primavera e inverno. Comezou a funcionar no 1996 co obxectivo de coñecer a tendencia a longo prazo da poboación das especies máis comúns, aquelas que non son obxecto de censos ou seguimentos específicos. Os resultados que se vaian obtendo serán máis fiables canto maior sexa o número de participantes e o número de anos de traballo continuado.

Encontros Naturalistas 25 de marzo ás 20.30 h: anuario e moucho

2011-03-17T18:20:00.005+01:00

Dentro da actividade ENCONTROS NATURALISTAS que ten lugar a última semana de cada mes, contamos nesta ocasión cunha doble sesión.

Ás 20.30 h, José Manuel Martínez Mariño, Tesoureiro da Sociedade Galega de Ornitoloxía (SGO), fará a presentación do recén publicado "Anuario histórico das aves de Galicia". Este volume editado pola SGO recolle as citas anteriores aos anuarios xa publicados así como aquelas que quedaran sen publicar.

Ás 21 h, Santiago Vázquez Casás, Vogal do Grupo Naturalista Hábitat, falará do moucho (Athene noctua) e o seu estatus en Galicia, co motivo da "Semana do Moucho" organizada por SGO e Hábitat para conmemorar a declaración desta singular especie como Ave do Ano en Galicia e España.

Para facilitar a organización, agradecemos que confirmedes a asistencia ao evento coa maior antelación posible enviando un correo electónico co asunto ASISTENCIA a gnhabitat@yahoo.es.

Proxecto Moucho

2011-03-17T09:45:00.011+01:00

Co motivo da súa elección como Ave do Ano en Galicia 2011, e Ave del Año en España 2011, o Grupo Naturalista Hábitat está a recompilar datos sobre esta especie, para afondar no seu coñecemento e obter información actualizada do seu estado.

Descarga o PDF informativo facendo clic na imaxe, e a ficha de recollida de datos aquí.

Clave de carábidos e presentacións sobre entomoloxía

2011-03-16T14:23:00.006+01:00

Aquí poderás acceder a unha clave de identificación de carábidos, unha guía de uso da clave, e varias presentacións sobre a historia da entomoloxía e as coleccións entomolóxicas.

Como usar unha clave para identificar carábidos
Presentación

Clave de carábidos

Vida e contorno
Presentación sobre as orixes da entomoloxía en Europa e España, e sobre José María de la Fuente (entomólogo).

Desentrañando a biodiversidade
Presentación sobre coleccións entomolóxicas europeas

Desentrañando a biodiversidade (2)

Vídeos sobre branquiópodos (Branchiopoda)

2011-03-16T14:02:00.005+01:00

Vídeos sobre diferentes especies de branquiópodos e crustáceos entomostráceos propios de aguas temporais (Streptocephalus torvicornis femia, Cheirocephalus diaphanus). Para acceder ao arquivo, preme aquí.

Videos de cárabos (Caraboidea)

2011-03-16T13:51:00.007+01:00

Móstranse vídeos de Eucarabus deyrollei, Ctenocarabus galicianus no Eume e en Ancares, Rhabdotocarabus melancholicus, Daniela tibialis no Eume, Chlaenius spoliatus e Chlaeniellus vestitus. Para acceder ao arquivo, preme aquí.

Forro polar G.N. Hábitat

2011-01-01T16:16:00.000+01:00

Forros Polares do Grupo Naturalista Hábitat:

Se queredes vestir o forro polar que loce o noso presidente na foto, os tedes dispoñibles no noso local na Rúa Camariñas nº 8 baixo, A Coruña ou encargadeos por email "gnhabitat@yahoo.es"

Prezo: 15€ socios / 20€ non socios
Tallas: L / XL / XXL

Encontros Naturalistas 30 de decembro: "¿Tuvieron las cebras una sola raya?" Carlos Nores

2010-12-24T23:45:00.002+01:00

Dentro da actividade ENCONTROS NATURALISTAS que ten lugar a última semana de cada mes, contamos nesta ocasión coa participación do Dr. Carlos Nores, Profesor da Universidade de Oviedo, Subdirector da fundación Oso Pardo e do INDUROT (Instituto de Recursos Naturales y Ordenación del Territorio) e especialista na bioloxía, distribución e conservación de mamíferos, que virá a falarnos do cebro, un animal criptozoolóxico no noroeste ibérico.

Dado o interese do tema e a relevancia do poñente participante é imprescindible que confirmedes a asistencia ao evento coa maior antelación posible enviando un correo electónico co asunto ASISTENCIA a esta mesma dirección electrónica.

A charla terá lugar no local do Grupo Naturalista Hábitat, Rúa Camariñas, 8-baixo (xunto á praza de Monte Alto) A Coruña, o xoves 30 de decembro ás 20:30h

GN Hábitat
981135014
gnhabitat@yahoo.es
Estudando para Conservar dende 1979

II “Maratón” de avistamento de aves no Concello da Coruña

2010-12-17T22:02:00.003+01:00

Data: Domingo 26 de nadal Rúa Camariñas, 8 – baixo

O obxectivo desta actividade é achegar o avistamento e identificación de aves ao público xeral.

Organizaranse os equipos participantes o día 23 (sempre cun membro do G.N. Hábitat) e o día 26 as 8:00h partirase do local do Grupo Naturalista Hábitat. A xornada rematará as 13:30h cando os equipos voltarán ao local co seu listado de especies identificadas.
O equipo gañador será o que atope un maior número de especies ( ver regras*)

Prazas limitadas. Inscricións, dúbidas e comentarios: gnhabitat@yahoo.es ou no teléfono 981135014.
Data límite de inscrición: Xoves 23 de decembro.

Regras:

- A zona da actividade restrínxese ao Concello da Coruña
- A puntuación de cada especie depende do número de equipos que a identifiquen (3 puntos se só a identifica un equipo, 2 puntos se a ven dous equipos, e 1 punto cando a identifican más de dous equipos)
- As especies domésticas, exóticas, ou escapes non contabilizan.
- A hora de entrega do listado de especies remata as 13:30h no local do G.N. Hábitat, a hora de comezo é as 8:00h no mesmo punto.
- O equipo que faga menos km. no coche terá 10 puntos adicionais no cómputo final

Retirada de Carpobrotus spp. na Praia de Alba. Concello de Arteixo

2010-11-26T12:42:00.003+01:00

Coma continuación dos traballos inciados en 2008 para a eliminación de flora alóctona, no que eliminamos algunhas poboacións de Carpobrotus no LIC Costa da Morte, e coa colaboración do Concello de Arteixo, convidamosvos a participar na eliminación de varias poboacións de Carpobrotus o vindeiro domingo 28 de novembro as 10:30 na praia de Alba.

A xornada de traballo rematará ao mediodía.
Prégase confirmación previa, vía email: gnhabitat@yahoo.es, ou ao teléfono 981135014, debido a previsión do material a empregar, guantes, baldes, etc... e que aporta o Grupo Naturalista Hábitat

Gracias pola vosa colaboración!

Encontros naturalistas novembro: Mesa redonda, a custodia do territorio

2010-11-22T20:10:00.002+01:00

Dentro da actividade ENCONTROS NATURALISTAS contamos nesta ocasión coa participación de Fernando Bandín, da Fundación Fragas do Mandeo; Martiño Cabana e Roberto Hermida, da Asociación Galega de Custodia do Territorio e Oscar Rivas, da Asociación Nummenius.

Nunha breve presentación, cadaún deles daranos a súa visión do presente e futuro inmediato da custodia do territorio en Galicia, abordando cuestións como a función do BANTEGAL en relación á custodia, os proxectos actuais da AGCT, ou o nacemento da Fundación Fragas do Mandeo. Nunha segunda parte abrirase a rolda de participación dos asistentes.

A charla será o venres, 26 de novembro ás 20:30 no local do Grupo Naturalista Hábitat. A entrada é libre e gratuíta.

Encontros Naturalistas: "As Aves da ría do Burgo" Antonio Sandoval

2010-10-25T23:10:00.005+02:00

Dentro da actividade Encontros Naturalistas, este mes contamos coa colaboración do experto ornitólogo Antonio Sandoval Rey, que nos falará sobre as Aves da Ría do Burgo e o seu entorno.
A charla terá lugar no nos local na Rúa Camariñas nº8 baixo (xunto á praza de Monte Alto) o vindeiro Xoves 28 de Outubro as 20:30h.
A entrada será libre e gratuíta. Confirmade a vosa asistencia en gnhabitat@yahoo.es, ou chamando ao teléfono 981135014.

Encontros Naturalistas Xullo "Eucarabus deyrollei Gory 1839: un pequeño entre los grandes."

2010-07-29T19:24:00.005+02:00

Dentro da actividade ENCONTROS NATURALISTAS contamos nesta ocasión coa participación de Jorge Ramos Abuín, Licenciado en Bioloxía Animal pola Universidade de Santiago, poñente en diferentes Xornadas e Congresos Ibéricos de Entomología, ademáis do Congreso Internacional de Coleopteroloxía celebrado en Barcelona en 1989. Ten publicado un libro de texto de Bioloxía e numerosos artículos entomolóxicos. Da sua laboura investigadora, recente destacamos o proxecto Transgalaica, a sua intervención no descubrimento da larva de Cychrus spinicollis e a redescripción da larva de Eucarabus deyrollei.

Nesta charla que terá lugar o Venres 30 de Xullo ás 20:30h no noso local ( Rúa Camariñas nº8 baixo, na Coruña) comentarase a posta a punto dunha técnica de cría dunha especie común dos nosos bosques, aportando información sobre a súa bioloxía e desenrolo larvario, ata agora moi descoñecidos.

Encontros Naturalistas: Aproximación a bioloxía dos Odonatos en Galicia

2010-06-20T12:22:00.004+02:00

Dentro da actividade ENCONTROS NATURALISTAS contamos nesta ocasión coa participación de Adolfo Cordero Rivera, Licenciado en Bioloxía (1987) e doutor (1991) pola Universidade de Santiago, cunha tese sobre ecoloxía, xenética e comportamento de odonatos (Ischnura graellsii). Actualmente catedrático de Ecoloxía na Universidade de Vigo, mantendo varias liñas de investigación sobre organismos ligados ás augas epicontinentais, odonatos, anfibios e réptiles, en aspectos de ecoloxía evolutiva e da conservación. Tamén ten traballado sobre ecoloxía de pragas, en particular sobre o gurgullo do eucalipto e algunha praga do millo. É autor de máis de un centenar de publicacións, ten editado 4 libros, e dirixido 6 teses doutorais.

A charla terá lugar no local do Grupo Naturalista Hábitat, Rúa Camariñas, 8-baixo (xunto á praza de Monte Alto) A Coruña, o venres 25 de xuño ás 21:00h.

A entrada será libre e gratuíta. Confirmade a vosa asistencia en gnhabitat@yahoo.es, ou chamando ao teléfono 981135014

Training Day Enciña da Lastra

2010-06-01T00:54:00.006+02:00

O pasado sábado, 22 de maio, puidemos desfrutar dunha magnífica xornada de campo na zona de Valdeorras, dentro dos Training Days, impulsados dende Saramaganta, coa colaboura de Hábitat, Drosera e Numenius.

Xuntanza inicial na que Rafael Estévez comenta os aspectos máis importantes do entorno elexido, mentres un ourol canta no val e varios abellarucos e dúas águias cobreiras nos sobrevoan.

Acompañounos un excelente clima, igual algo quente de máis, e os coñecementos e grande capacidade didáctica de Rafael Estévez e José Gándara, que durante toda a actividade se encargaron non só de identificar as ducias de diferentes especies de bolboretas que se puideron observar, senon de aportar información sobre a súa bioloxía, ecoloxía e conservación. Ademáis, con gran paciencia, axudaban a identificar os individuos que lles presentabamos a través dos visores das cámaras, que traballaron a reo ese día, comentando técnicas e trucos para conseguir boas fotografias.

Os prados altos destas terras conteñen unha grande biodiversidade, da que, o longo do dia, puidemos ver numerosos exemplos.

Os afloramentos calizos, o clima mediterráneo e a presenza de prados fan da Comarca de Valdeorras a rexión xeográfica galega de maior riqueza en orquídeas. Agradecer a François Flores e a Rafael Estévez a súa axuda na identificación no campo (se se cola algún erro de certo será meu).

A primeira que contemplamos foi a Orchis provincialis, unha especie algo escasa e que causou bastante sorpresa e interese.

Moi preto, esta Aceras anthropoforum (literalmente portadora de homes, pola apariencia de pequenos homes colgantes que forma o labelo) foi unha máis curiosas, que fotografamos.

A lavanda, omnipresente nas ladeiras que camiñamos, e o relevo montano, incluíndo zonas de cortados rochosos, aportan beleza ao paisaxe e lugares de aniñamento a aves como os alimoches, vistos esa mesma mañá, e posibilidades aos voitres, como os catro leonados que nos sobrevoaron.

Nunha zona encharcada, entre xuncos atopábase unha pequena poboación de Serapias lingua.

O calor continuaba a crecer mentres avanzábamos por unha pista.

E chegamos así ao que sería o punto máis importante do dia, unha zona de ladeira con prados e matogueira aberta sobre calías que alberga máis do 80% das especies de bolboretas que poden verse en Galicia. Mentres, sobre as nosas cabezas, tres cernícalos flanquean e atacan a un águia real, ata facela pousar nun rochedo moi próximo.

Unha das máis espectaculares orquídeas do dia: Limodorum abortivum.

Non moi lonxe atopamos varios individuos de Ophrys scolophax, un dos xéneros máis curiosos, que atraen a machos de abellas, non so pola sua forma, senon que imitan tamén as ferómonas das femias. Na pseudocópula o animal enganado adquire uns polinios, que se adhiren á súa cabeza, e que polinizarán á seguinte orquídea coa que manteña relacións.

Pero como comentei a saída era para ver bolboretas, claro que unha cousa e velas (aquí xa levariamos unhas 30 especies) e outra fotografalas, cando, como é o meu caso, tes que poñer a cámara a 3 cm duns animais moi asustadizos e tremendamente activos cos máis de 30o que “desfrutábamos” á sombra.

A primeira que me deu unha oportunidade, despois de facerme foi esta grande e fermosa Aporia crataegi, un piérido bastante raro en Galicia (abondoso no S de Ourense). Como o seu nome indica está ligado aos Crataegus dos que se alimentan as súas eirugas.

Unha planta abondosa en Ourense, pero curiosa para os “norteños” coma mín e a muscaria, Muscari comosum.

Algo máis arriba pareceu esta Melitalea zinxia, que colaborou dexándose fotografar o anverso e, moi fermoso, reverso das ás.

Sobre Crataegus atopábase esta bolboreta, probablemente unha Adscetia, pero que non teño todavía identificado:

Outra especie vista foi a (creo) Lycaena phlaeas. Aínda que as miñas fotos non lle fan xustiza.

Outra xoia voadora vista foi o (tamén creo) Lycaena (heodes) alciphron.

Tamén apareceu unha Empusa pennata adulta, un “alien” que soportou con estoicismo a sesión fotográfica a que foi sometida.

Ademáis dos imagos de bolboretas tamén estaban presentes algunhas eirugas, como esta Malacosoma neustria (Lepdioptera-Lasiocampidae)

A sección de réptiles, nesta primeira zona, estivo representada pola lagartixa dos penedos (Podarcis hispanica), a lagartixa rabuda (Psammodromus algirus), o cobregón (Malpolon monspenssulanus) e o lagarto arnal (Timon lepidus) como este subadulto, posibles presas do alcaudón común que voaba nese momento algo máis arriba de onde estabamos.

O arnal portouse moi ben como modelo, o que foi aproveitado.

Virando pedras atopamos este curioso inquilino (Buthus occitanus).

E continuamos o noso percorrido, nun entorno de impresionante beleza

E continuaban a aparecer orquídeas, nesta ocasión unha Anacamptis pyramidalis.

E non moi lonxe unhas Orchis purpurea.

Despois de ver un par de escribentas hortelás, que emocionaron a algún paxareiro do grupo, apareceu esta (probable) Orchis mascula.

Xa ben rematada a mañá desprazámonos a comer, buscando algo de frescor e sombra, que atopamos xunto a unha fonte-lavadeiro. Aquí apareceron un par de especies de anfibios, destacando unha enorme larva de sapiño comadrón (Alytes obstetricans) acompañada nun pilón por larvas e adultos reproducíndose de pintafontes verde (Triturus marmoratus).

Ás veces non é doado localizar e identificar as bolboretas, como exemplo aquí Martiño “anima” a unha Arctia a abrir as ás para poder determinar a súa especie, Arctia villica

Xa pola tarde atopamos outra orquídea, unha Ophrys sphegodes.

Unha das máis atractivas bolboretas do dia: un macho de Polyommatus icarus.

Unha chuchaleites (Iphiclides podalirius) recorría a ladeira libando de todos os matos de lavanda e sen asustarse demasiado da nosa presencia.

Baixo unha pedra, xa a tardiña, unha agarimosa nai transporta aos fillos ao lombo.

Outro pequeno animal por identificar.

A foto do dia (para min) unha cópula de Lysandra (Polyamatus) bellargus.

Durante toda a visita a presencia da flora foi espectacular, ben pola presencia de orquídeas de caprichosas e coloridas formas, ben pola floración das xestas e das lavandas, ou, como neste caso, pola exhuberancia dos chuchameles.

Xa a última hora, e despois dunha boa carreira, conquerimos recoller e fotografar unha cobra riscada (Rhinechis scalaris)

E unha foto final dos últimos en marcharnos.

Espero que non vos aburrira moito.

Ricardo Ferreiro

Encontros de Naturalistas Maio: O Teixugo

2010-05-28T14:09:00.004+02:00

Dentro das charlas organizadas polo G.N. Hábitat os derradeiros venres de mes,contaremos o vindeiro venres 28 de Maio as 20:30 con Xosé Pardavila que nos falará sobre "O Teixugo, apuntes sobre a sía ecoloxía en Galicia".

Como sempre terá lugar no noso local na Rúa Camariñas nº8 baixo C.P.15002 na Coruña
Para máis información contactade con nos no 981135014 ou no email gnhabitat@yahoo.es

Un saúdo

O Mandeo nas noticias

2010-05-14T17:11:00.001+02:00

Se pinchades aquí podedes ver unha das noticias acerca das motos acuáticas no Mandeo, impresionante o argumento dun que defende o beneficio das motos para a auga...
Belén

Taller de Observación Ornitolóxica na Ría do Burgo

2010-05-09T22:31:00.005+02:00

Algunhas fotos do taller de onte e un enlace dunha nota de prensa

Belén

Video-Denuncia sobre o impacto das Motos acuaticas na Ría de Betanzos

2010-05-03T22:45:00.003+02:00

Video Denuncia de Motos acuaticas na Ría de Betanzos
Poñedelle sonido ao video non ten desperdicio.

Impacto da motonáutica
no espazo natural protexido
LIC Betanzos – Mandeo
xaneiro e abril de 2010

17 de abril de 2010-05-03
As seguintes imaxes foron gravadas por un
veciño de Souto na marisma de Betanzos,
en plena época de cría e de migración
primaveral das aves.
O impacto ecolóxico foi moi grave.

24 de xaneiro de 2010
As carreiras de motos acuáticas no xuncal
fanas en calquera época do ano,
especialmente nas fins de semana e
con marea chea.

Afectan tanto ás aves invernantes como ás
que crían no xuncal.
As marismas de Betanzos son un espazo natural
protexido incluído na Rede Natura.
As repetidas denuncias de veciños i ecoloxistas
non son escoitadas polas autoridades competentes.

A velocidade máxima de navegación permitida
no interior da ría é de 3 nudos.

Non máis motos na ría

Asociación Cultural O Rabo do Galo
Sociedade Galega de Historia Natural
Grupo Naturalista Hábitat
Grupo de Anelamento Hércules

http://www.youtube.com/watch?v=J9yg9F6cHnw

Training days en Ourense.

2010-04-28T22:57:00.020+02:00

Ola,

Fai anos inventáronse os “Training days” en Inglaterra, eran unhas xornadas de campo para herpetólogos. Pero fóronse adaptando á aprendizaxe. Agora, da man de varias asociacións naturalistas galegas (Saramaganta, GN Hábitat, Numenius e Drosera) chegan aquí eses “Días de aprendizaxe”. Este pasado fin de semana, 24 e 25 de abril, tivo lugar a primeira saída, no sur de Ourense, principalmente no val do río Támega, adicada a anfibios e réptiles, dos que vimos 26 especies!!! , hai 32, non está nada mal. Realmente foi espectacular. Fomos 20 naturalistas, polo que non paramos de ver ademais, aves, insectos, arácnidos, plantas, e calqueira vestixio de vida.

O éxito destes día debémosllo principalmente aos tres expertos que buscaron incansablemente os hérpetos: Martiño, Anxos, Ricardo e Rafa.

O compañeiro Damián ensinounos como ver tarántulas, ademais de identificar bolboretas e outros insectos.

E de moito interese foi tamén a mariscada a base de navallas que nos preparou o ornitólogo Emilio Sabarís.

As especies de hérpetos vistas foron: píntega común, pintafontes común, pintafontes verde, sapiño comadrón, sapo de esporóns, sapo corriqueiro, sapo común, estroza, ra verde, ra patilonga, escáncer cego, lagartixa de Bocage, lagartixa dos penedos, lagartixa cinsenta, lagartixa rabuda, esgonzo común, esgonzo ibérico, lución, lagarto das silvas, lagarto arnal, cobra de colar, cobra lagarteira común, cobregón, serpe riscada, víbora de Seoane e víbora fuciñuda (unha das estrelas da finde). Fallaron as dúas especies de salamanquesas porque pola noite estaba fresco (11ºC).

Os próximos "Training days" serán noutros lugares de Galicia e terán como protagonistas as bolboretas, as orquídeas, as libélulas e os morcegos.

(Fotos de César A. Laó e Belén L. Arenal)

Belén

Zerinthia rumina

Víbora fuciñuda xuvenil

Víbora fuciñuda adulta

Veleno víbora sinalado

Pintafontes verde

Tarántula

Sapiño comadrón

Sapo corriqueiro

Píntega

Sapo de esporóns

Navallas de Emilio

Empusa

Lagarto das silvas xuvenil

Lagarto das silvas

Lagarto arnal xuvenil

Lagarto arnal atropelado

Lagartixa cinsenta

Lagartixa de Bocage

Estroza

Nos

Os expertos

Esgonzo común

Serpe riscada

Escáncer cego

Carabus galicianus

Lagarto arnal adulto

Lagartixa rabuda

Esgonzo ibérico

Buthus

Emilio coas navallas

Cosme persuadindo a unha tarántula

Cobra lagarteira común

A Costa da Morte, o mundo do lobo

2010-04-20T23:02:00.003+02:00

Dentro da actividade ENCONTROS NATURALISTAS contamos nesta ocasión coa participación de Francisco Javier Lema Fuentes, veterinario, naturalista e amante da fauna, e por riba de todo do lobo. Impartiu charlas en colexios, xornadas en Portugal, concretamente en Castro Laboreiro, na entrada do parque do Peneda-Xures. Colaborou coa TVG e coa TVE (Escarabajo verde) con imáxes de lobo e lontra. Realizador do DVD " A Costa da Morte: marabilla natural" en colaboración coa Consellería de Medio Ambiente.

A charla terá lugar no local do Grupo Naturalista Hábitat, Rúa Camariñas, 8-baixo (xunto á praza de Monte Alto) A Coruña, o venres 23 de marzal ás 20:30h.A entrada será libre e gratuíta.Prégase confirmar asistencia vía email no gnhabitat@yahoo.es ou no 981135014

Vídeos sobre branquiópodos (Branchiopoda), por Jorge Ramos Abuín

2010-04-20T14:35:00.001+02:00

Sobre diferentes especies de branquiópodos, crustáceos entomostráceos propios de aguas temporais:

Videos de cárabos (Caraboidea), por Jorge Ramos Abuín

2010-04-20T10:41:00.001+02:00

Eucarabus deyrollei

Ctenocarabus galicianus, no Eume e en Ancares

Rhabdotocarabus melancholicus

Daniela tibialis, no Eume

Chlaenius spoliatus e Chlaeniellus vestitus

2010-03-17T23:23:00.002+01:00

O venres 26 de marzal, as 20:30 no local do G.N. Hábitat terá lugar a charla: As macroalgas mariñas" impartida por Alfredo J. Veiga é Doutor en Bioloxía pola universidade da Coruña, onde impartiu docencia na área de Botánica Mariña e que traballa actualmente no Aquarium Finisterrae.

Prégase confirmación de asistencia vía email en gnhabitat@yahoo.es ou no teléfono 981135014

Charla "La problemática de la superpoblación de gaviotas. El caso asturiano" impartida por César Álvarez Laó

2010-02-21T10:30:00.003+01:00

No local do G.N. Hábitat, o venres 26 de febreiro, ás 20:30, terá lugar a charla:

"La problemática de la superpoblación de gaviotas. El caso asturiano" impartida por César Álvarez Laó .
Rógase confirmar asistencia antes da charla por calquera dos contactos indicados

GN Hábitat

Rúa Camariñas nº8 - baixo

gnhabitat@yahoo.es

Telf: 981 13 50 14

Charla sobre a distribución dos Ropaloceros en Galicia

2010-02-21T10:22:00.003+01:00

Dentro da actividade ENCONTROS NATURALISTAS que ten lugar a última semana de cada mes, contamos nesta ocasión coa participación de Rafael Estévez para falarnos sobre a distribución e conservación dos ropalóceros (bolboretas diurnas).

A charla terá lugar no local do Grupo Naturalista Hábitat, Rúa Camariñas, 8-baixo (xunto á praza de Monte Alto) A Coruña, o venres 29 de xaneiro ás 20:30h.
A entrada será libre e gratuíta.

Charla sobre a toupa de auga

2009-12-23T12:48:00.006+01:00

No local do G.N. Hábitat, o mércores 30 de decembro, ás 20:30, teremos unha charla do profesor Carlos Nores (Universidade de Oviedo), experto en mamíferos terrestres, sobre a toupa de auga (Galemys pyrenaicus), en castelán coñecido como "desmán ibérico", especie ameazada (chegou a estar considerada en perigo de extinción), inda que pouco coñecida e bastante común na nosa terra, sempre que haxa ríos conservados.

Rógase confirmar asistencia antes da charla por calquera dos contactos indicados no cartel embaixo.

Maratón ornitolóxica 26 de decembro

2009-12-23T12:45:00.003+01:00

Esta fin de semana celebramos un día de reconto de aves por equipos, anótate a algún equipo chamando ao 981-135014.

Este venres, programa SARGA

2009-11-26T00:06:00.003+01:00

Dentro da actividade ENCONTROS NATURALISTAS* que levamos a cabo o último venres de cada mes, contaremos nesta ocasión cun dos maiores coñecedores da distribución da herpetofauna galega: Martiño Cabana, coordinador do Programa SARGA -Seguemento de Anfibios e Réptiles en Galicia- que nos comentará a importancia e os primeiros resultados deste novedoso proxecto. Ademáis presentaranos información de primeira man sobre novos datos de distribución de anfibios e réptiles en Galicia.

Lugar e hora: local do Grupo Hábitat: Rúa Camariñas, 8 - baixo (A Coruña) . Venres 27 de novembro. 20:30h

Pregamos divulguedes esta información a todos os posibles interesados e confirmedes a vosa asistencia respostando a este correo para poder adecuar o local ao número de asistentes, solicitámosvos tamén un esforzo por ter a maior puntualide
*O encontro anterior non se publicitou por un problema de última hora, que obrigou a cambiala por unha charla da nosa Sección Entomolóxica, o venres 30 de outubro.

Saída de outono ao Courel

2009-11-15T19:32:00.016+01:00

Un pouco pola boa acollida da proposta, un pouco polas limitadas prazas dos aloxamentos, un grupiño restrinxido de Hábitat fomos coñecer a fauna e flora da lagoa da Lucenza. O certo é que, dada a meteoroloxía, centrámonos máis na xeoloxía da zona, nas coloridas paisaxes outonais e algúns cogomelos. En fin, que houbo que aguanta-lo temporal.

Xa na aldea da Seara despois da treboada nocturna, viñéronnos saudar innumerables perlas (plecópteros), acabadas de eclosionar no río Selmo. Logo dunha agradable ruta con pouca chuvia, chegamos á lagoa de Lucenza, no fondo dun anfiteatro glaciar con dúas saídas: a principal dá a unha vertente que leva ao curso alto do río Selmo, e a secundaria, do lado do pico Formigueiros, daría ao seu afluente, o río Seara. Este anfiteatro está excavado en lousas con vetas de cuarcita e minas, que transportaba tamén outras pedras arrincadas das paredes do glaciar (diabasa e lousas con andalucita).

Aquí están algúns dos que por alí nos refuxiamos do temporal baixo os salgueiros:

Tamén se refuxiaban na lagoa algúns tritóns verdes (Triturus marmoratus), que preferían a fría auga ao xélido aire; e xa en terra, os resistentes eran soamente algún licósido, seguramente Pardosa sp, unha escolopendra baixo unha pedra, uns ubicuos coleópteros antícidos negros (Scydmaenidae) e pouco máis.

Os pimpíns parecían abrigarse en nutridos grupos e só se deixaban ver as aves máis abondosas ou aparentes (paporrubios, azulentas, pegas marxas, bexatos,...).

Os cogomelos que nos aparecían no camiño xa un pouco fartos da humidade, inda locían vivas cores e un bo tamaño, destacaban a Amanita muscaria e algúns boletos do grupo edulis,

acompañadas dunha ampla gama de choupíns (Macrolepiota e Lepiota spp), uns máis comestibles cós outros, e moita variedade de gastromicetes, etc. etc.

A flora da Lucenza pasaba de bidueiros con pradairos e cancereixos, a rebolos nas ladeiras máis asolladas, e chamou a nosa atención unha única faia illada, uns quilómetros máis meridional cós xa de por si, meridionais faiais do Courel.

Unha vez chegamos á lagoa, as uces e os salgueiros dominaban o lugar, acompañadas dalgún acivro femia que denotaba a súa presenza co vermello dos seus froitos. Por último, sobrepasada a Campa da Lucenza, asomámonos á devesa, dando a impresión de asomarnos á fonte preñada de tanta diversidade, coa típica e tan inspiradora coloración outonal:

faias desfolladas con escuros teixos, amarelos bidulos, rebolos entre verde e amarelo, pardos castiñeiros con toques de amarelo, algunhas laranxas cerdeiras e pradairos, desmantelados cancereixos con restos de folla e froitos...

Quixemos acompañar esta flora o día seguinte coas carrascas de camiño a Mercurín, con aquelas dolomías tan brancas e cheas de fieitos (entre eles o calcícola fieito dourado Asplenium ceterach), pero a chuvia non nos deu respiro e mirando ao souto despedímonos na distancia desa aldea emprazada nun lugar único.

Belén estivo sempre atenta aos detalles da organización e todos procuramos poñer unha nota de naturalismo e bo humor: María, Óscar, Inés, Santi V. e Loli P. (os 6 da foto de enriba), o que escribe, Pablo C. Despois fixeron o propio Santi, Ruth, Rubén, Roberto L., Antía, Lorena, Ricardo, Loli e Roberto V. En total, 16 persoas que fixemos da actividade do GN Hábitat un enriquecedor intercambio de vivencias naturalistas.

Noite nova este venres, día 23 de outubro.

2009-10-21T19:45:00.003+02:00

En colaboración co Concello da Coruña o Grupo Hábitat organiza este venres un percorrido nocturno para mozos de observación de fauna nocturna no entrorno da Torre de Hércules.
A inscrición é gratuita, para mozos entre 14 e 30 anos, guiada por expertos do GN Hábitat farase unha actividade de mostraxe de bolboretas nocturnas, observación en contornas húmidas na busca de anfibios activos, detección de morcegos, etc. Por favor, acode á cita con roupa e calzado preparado para a chuvia e lanternas con pilas de reposto.
Animádevos a participar inscribíndovos neste enlace

Saúdos

Próximo encontro naturalista: Metodoloxía de estudo de aves mariñas

2009-09-13T23:50:00.005+02:00

O vindeiro venres 25 de setembro, ás 20:00 da tarde, terá lugar unha charla preparatoria para o día das aves (1 de outubro), titulada:

Metodoloxía de estudo de aves mariñas

por Cosme D. Romay e Atocha Ramos

Os relatores son experimentados ornitólogos, que participaron en numerosas campañas de estudo de aves, sobre todo colaborando coa SGO (Sociedade Galega de Ornitoloxía).

Cosme D. Romay é licenciado en Bioloxía pola Universidade de Santiago de Compostela. Formouse tamén no Instituto Holandés de Oceanografía–NIOZ, así como no Museo de Historia Natural Luis Iglesias e Consello Superior de Investigacións Científicas. Presentou os resultados da súa investigación en Congresos científicos así como en diversos artigos en publicacións científicas especializadas.
Atocha Ramos é Licenciada en Bioloxía pola Universidade da Coruña. Traballou coas aves mariñas afectadas polo verquido do petroleiro Prestige, facendo estudos externos, internos (necropsias) , e análise da dieta. Obtivo unha beca da Sociedade Española de Ornitoloxía que lle permitiu participar nun estudo sobre Arao común baseado na análise de cadáveres abeirados atopados en ICAAs (2004-2005)
A entrada á charla será libre e gratuita, pregamos que se confirme a asistencia respostando a este correo para poder adecuar o local ao número de asistentes.

Se che gusta o mar e a natureza e queres aprender a distingui-las numerosas aves que estes días pasan a certa distancia polas nosas costas ou paran a alimentarse nas nosas praias, pásate polo local do GN Hábitat e poderás coñecer cómo colaborar activamente para o seu estudo. Os voluntarios son fundamentais para entende-lo comportamento migratorio das aves e permiti-la súa conservación. Nunca sobra unha man que axude, e menos en Galicia.

Construtiva saída ao alto Mandeo

2009-09-03T22:51:00.006+02:00

En terras de Aranga, rodeados de explotacións hidroeléctricas, extensas plantacións de eucaliptos, piñeiros, soutos e algunha aldeíña tradicional, esta despoboada rexión conserva aínda algunhas extensas manchas de fraga autóctona arredor do encaixonado Mandeo. Para coñecer a zona, unha delegación do GN Hábitat, guiados por un experto da asociación betanceira Rabo do Galo (Fernando) e acompañados dun herpetólogo (Rafa), fomos atentos observadores da fauna local por unha ruta de 5 km na "minicentral" de Goimil, con abundantes insectos (chicharra verde, varios odonatos, varios carábidos, etc.), abundantes páridos que evidenciaban o bo estado da fraga, estaban acompañados non soamente da abundante lagartixa galega (Podarcis bocagei), senón tamén das localmente escasas lagartixas da serra (Iberolacerta monticola).
Máis adiante, na Fraga das Barbudas, xuntámonos a unha delegación pontevedresa da SGHN, que aproveitaron para caracterizar a rica fauna de lepidópteros (decenas de especies observadas) e compartimos outras observacións de campo, coma unha interesante latrina de xeneta, que nos revelou a presenza do escornabois (Lucanus cervus) e do gran cerambícido Prionus coriarius, así como unha boa observación da cobra lagarteira setentrional e un morcego que saiu da súa fenda en pleno mediodía (supoñemos que se preguntaría por esa visita inesperada).
Non só a investigación de campo puxo a primeira pedra da conservación, senón un firme propósito das tres asociacións para unírmonos nun proxecto común para protexer de xeito efectivo hectáreas destes marabillosos exemplos de bosque atlántico caducifolio. Sabemos que o camiño require constancia e bo facer, pero pensamos contamos cos expertos e os medios axeitados. Agardamos poder ofrecer máis novas deste espazo do alto Mandeo nos meses vindeiros.

Charla sobre o Oso pardo na Península Ibérica: Situación e Conservación

2009-07-29T21:06:00.004+02:00

Este venres 31 de xullo ás 20:30, o profesor da Universidade de Oviedo, experto en bioloxía animal, con ampla experiencia en mamíferos ibéricos. Dende a década dos 90 está adscrito ademais ao Instituto de Recursos Naturais e Ordenación do Territorio, e ten publicados máis de 60 traballos e máis de 40 comunciacións a congresos, traballos dos cales destacan varios estudos sobre a distribución histórica, abundancia e conservación do oso pardo ibérico:

Distribución actual da especie.

Esta ilustración representa a distribución do oso pardo a mediados do s. XIX, segundo o autor (1)

Nores, C., Naves, J. (1993). Distribución histórica del oso pardo en la península Ibérica. Pp. 13-33. En:Naves, J., Palomero, G. (Eds.). El oso pardo (Ursus arctos) en España. ICONA, Madrid.

Nores, C., Palomero, G. (2000). Actividades cinegéticas y conservación del oso pardo en la cordillera cantábrica. Pp. 157-173. En: Layna, J. F., Heredia, B., Palomero, G., Doadrio, I. (Eds.). La conservación del oso pardo en Europa: un reto de cara al siglo XXI. Fundación Biodiversidad, Madrid.

Dado que o aforo é limitado, roguemos confirmedes a vosa asistencia á charla cun día de antelación no e-mail do grupo (gnhabitat@yahoo.es) co asunto "ASISTENCIA". Graciñas.

Saída do grupo á "lagoa" de Alcaián

2009-07-16T21:45:00.005+02:00

Este domingo 19 organizamos unha saída a Alcaián (Coristanco), estaremos toda a mañá, quedando a comer alí, algúns dos que imos, temos que marchar despois de xantar, pero outros pensan quedar todo o día, non hai problema con tal de sabelo antes para organizarnos cos coches.

Hai que levar a comida, e é recomendable levar tamén botas de auga, porque a zona é húmida e con bastantes charcos e terreo irregular, outra opción e ir con calzado que se poida mollar e en pantalón curto, cada un como queira, pero levar roupa de reposto para volver tampouco é mala idea.

Quedaremos ás 9 da mañá no local de Hábitat, pero se alguén quere saír doutro sitio, con tal de chamanos ao teléfono do grupo (981135014) ata o día antes, xa nos poñemos de acordo.

Este humidal tantas veces proposto, pero aínda non protexido, presenta fauna e flora de interese, entre o cal destacamos a tartaraña cincenta, diversos anfibios, insectos acuáticos de interese e flora ameazada, coma a vulnerable planta acuática carnívora Utricularia minor, e xa no monte, o cardo rastreiro endémico de Bergantiños, e considerada en perigo de extinción, Centaurea ultreiae.

Utricularia minor Centaurea ultreiae

Finalizou a Escola de Naturalistas'09

2009-06-08T23:06:00.007+02:00

Despois da charla do venres a cargo do noso experto, Santiago Vázquez Casás. o domingo día 8 de xuño, os asistentes puideron acompañar en Cecebre as habituais sesións dos aneladores do G.N. Hábitat, Manolo Carregal e Berto Monteagudo, que amablemente atenderon dúbidas e explicaron coa seguridade que dá a experiencia as dificultades da tarefa e tamén as novas tendencias no anelamento a nivel europeo.

Para os asistentes, o número de especies foi máis que suficiente, inda que os ornitólogos insistisen en que era unha modestísima representación da avifauna de Cecebre, puidemos ver especies residentes tan espectaculares coma este peto real (Dendrocopos major):

E tamén especies migradoras coma esta folosa amarela (Hippolais polyglotta):

Entre as residentes tamén anelaron carrizos, merlos, reiseñores bastardos, polos de paporrubio e chasca... as migradoras parciais papuxa das amoras, picafollas ibérico, liñaceiros e verderolos, e as migradoras africanas andoriñas comúns.
De camiño tamén adornaban o camiño 2 especies de orquídeas en flor e o iris amarelo (espadana) e na lagoa, un par de somorgullos cristados en plumaxe nupcial baixo a activa nube de cirrios e andoriñas comúns... e algunha que outra gaivota oportunista que andaba ao cangarexo americano.
Baixando no coche na dirección que leva o mesmo río Mero, chegamos ao paseo do Burgo para completa-lo día coa observación de aves acuáticas: os cisnes mudos, que se emanciparon da súa vida en catividade, estaban alimentándose en augas abertas con marea baixa. Tamén vimos unha activa garza real; uns repousados mazaricos chiaores e biluricos patirrubios. Como ave terrestre, destacar a lavandeira amarela, típica do litoral galego estival. Por desgraza o tempo non acompañou para pararnos máis neste espazo e fomos "clausurar" a xornada cun café quente, que falta nos facía a algúns, e a mutua camaradería que penso todos agradecimos, animais humanos que somos, co sano propósito de organizar outra saída exploratoria en grupo á natureza a fins de xuño.

A Escola de Naturalistas chega á súa recta final

2009-05-27T22:21:00.008+02:00

O vindeiro día 5 de xuño ás 20:30 terá lugar no local a última charla da Escola de Naturalistas, a cargo do experimentado ornitólogo Santiago Vázquez Casás. Remataremos o ciclo cunha saída á Ría do Burgo (7 de xuño), onde o mesmo experto e máis xente do grupo cederá o seu material óptico e coñecementos para aprendermos a diferenciar as principais aves acuáticas e terrestres.
A charla e saída de mamíferos, impartida por Antón Vázquez Corral, deulle un repaso a toda a fauna mastozoolóxica presente en Galicia. Na saída aos Ancares, coa fin de observar mamíferos, un nutrido grupo puido ver algúns dos poucos rebezos (Rupicapra rupicapra) que quedan en Galicia e tamén puidemos ir abrindo boca cos réptiles e anfibios: numerosas lagartas das brañas (Lacerta vivipara), e lagarta dos muros (Podarcis muralis), nunha das escasas localidades en que estas especies aparecen en Galicia, tamén puidemos ver unha parella de lagarto das silvas (Lacerta schreiberi), varias lagartas da serra (Iberolacerta monticola) e anfibios como a ra vermella (Rana temporaria), da que se observaron posturas, larvas e adultos, o pintafontes común (Lissotriton boscai) ou o pintafontes palmado (Lissotriton helveticus).

Exemplar de Lacerta [Zootoca] vivipara nos Ancares.
Ricardo Ferreiro Sanjurjo, o noso experto en anfibios e réptiles, repasou a ameazada fauna herpética na charla do día 22 (día da biodiversidade) e a saída a Louro e Lariño do 24 foi moi rica en réptiles. Observamos uns cantos esgonzos ibéricos (Chalcides bedriagai), tamén esgonzos comúns (C. striatus), escánceres (Anguis fragilis), lagartas rabudas (Psammodromus algirus), cobras de escada (Rhinechis scalaris), cobra lagarteira meridional (Coronella girondica), lagarta de Bocage (Podarcis bocagei) e lagarto arnal (Lacerta lepida). Tamén vimos un par de lagarteiros que levaban nas poutas polo aire senllas presas reptilianas, un ofidio e unha lagarta, parecían.

Esgonzo ibérico (Chalcides bedriagai) nas dunas grises de Louro.
Asemade vimos algún mamífero activo (lontra, rato caseiro e furaño común) e numerosas fozadas de porco bravo. Tamén nos paramos a ver e identificar multitude de insectos, sobre todo polinizadores (vistosos lepidópteros, himenópteros, hemípteros, coleópteros...) que completaban o contorno natural.

Un podalirio (Iphiclides podalirius) "libando" nas gramíneas Dactylis glomerata.
Como herpetólogos estaban Ricardo e Martiño Cabana, que fixeron a maior parte de capturas de réptiles, e Xabi e Santi puxeron a nota ornitolóxica, descubríndonos uns cullereiros (Platalea) e os lagarteiros xa citados, anticipando xa a próxima e charla.

Escola de Naturalistas 2009

2009-04-26T20:02:00.004+02:00

Moi boas a todos xa está en marcha a Escola de Naturalistas 2009 (coma continuación da xa organizada en 2008) destinada a persoas interesadas na natureza e no medio ambiente, que dende un punto de vista divulgativo tratará de achegarnos ao medio en xornadas divididas en tres partes: unha dedicada aos Mamíferos, outra aos Anfibios e Réptiles, e outra ás Aves.

Cada parte consta dunha charla e dunha saída de campo:

Charlas: 8 maio Mamíferos 22 maio: Anfibios e Réptiles. 6 xuño: Aves
Saídas ao campo: 10 de maio Ancares, 24 de maio: Monte Louro, 7 xuño: Ría do Burgo

O transporte e o material didáctico está incluido. O prezo son 5 € a non socios (en total polas 3 xornadas) e gratis para os socios.
Prazas limitadas. Non esquezades as botas de campo, o impermeable, a cámara e unha libretiña de notas e...

Apuntádevos!

Sección Entomolóxica e proxecto Eurynebria

2009-03-18T22:11:00.009+01:00

Este primeiro semestre de 2009 inauguramos, baixo a coordinación do entomólogo Jorge Á. Ramos, unha sección que xa existía de facto, pero non tiña entidade oficial dentro da asociación. Constitúese para dar continuidade ás actividades de estudo de carábidos que xa se levaban a cabo, sen esquecer observacións ocasionais de campo de bolboretas, arañas, odonatos, etc.

Seguimos a estudar a bioloxía, distribución e fenoloxía dos carábidos, como xa publicaramos no proxecto Transgalaica (Serras Orientais Galegas) no noso boletín A Mobella 14, e un compendio de citas de carábidos novidosas n'A Mobella 15. Este ano 2009, comezamos o proxecto Eurynebria nas dunas da Costa da Morte, que nos levará a coñecer mellor a fenoloxía deste escaravello das praias (o nébrido Eurynebria complanata) en Galicia, da súa fauna acompañante e tamén a descrición da ecoloxía dunha das súas poboacións. Se queres aprender a estudar este animaliño, ponte en contacto con nós por teléfono ou e-mail (gnhabitat@yahoo.es), somos un equipo de catro naturalistas que facemos saídas mensuais na segunda metade de cada mes -Pablo Carballo, Ricardo Ferreiro, Pablo Torrella, Antón Vázquez... e quen se apunte.

Na fotografía podedes ver en detalle a cabeza dunha larva deste voraz predador de pulgas de praia.

Asociacións de nova creación acaparan as axudas concedidas pola Consellería de Medio Ambiente e Desenvolvemento Sostible

2008-11-10T23:00:00.002+01:00

Hai dous anos, á Federación Ecoloxista Galega, na que o GN Hábitat está integrado e que agrupa históricas e experimentadas asociacións ecoloxistas, saíulle unha irmá da que nada sabiamos hai un ano: a FEGAMA, que agrupa 30 asociacións comarcais novas –cinco delas “naturistas” de nome, prácticas moi respectables, pero que non pertencen estritamente ao ámbito ecoloxista nin naturalista. Xusto despois, o único requisito necesario para optar ás subvencións da Consellería de Medio Ambiente era estar inscrito nun rexistro de nova creación, para o que se abría un prazo e nas que nos inscribimos a maior parte das asociacións ecoloxistas e naturalistas activas. Feito isto, solicitamos subvención presentando un proxecto de actividades ou uns gastos de funcionamento.

En outubro tivemos a resposta da Xunta, que felizmente concedíanos a moitas asociacións unha parte considerable das axudas solicitadas (no noso caso foron uns nada desprezables 23.000 € por gastos e un proxecto de actividades traballado e xa con experiencia: o cartografado do Carpobrotus na Costa da Morte), pero para a nosa sorpresa, a acabada de crear FEGAMA e as súas asociacións obtiñan máis da metade do total: uns seiscentos mil euros amplos, mentres que a FEG e as súas asociacións só levabamos un 8 %, en parte debido a non solicitar algunhas axudas.

Porcentaxe por federacións ou asociacións independentes que concorreron ao concurso de subvencións por gastos, investimentos ou proxectos medioambientaisAsí as cousas, o “vello” movemento ecoloxista galego tería que alegrarse da chegada dun “novo” movemento ecoloxista totalmente descoñecido e, sabedores do esforzo que require a elaboración dun proxecto ambiental completo, tan competente como para acumular proxectos merecedores de sumas récord en axudas, coa mente aberta e rachando tópicos, que parte maioritariamente dende as comarcas do rural e que se presenta organizada, sen fisuras, cun único proxecto: mellora-lo medio ambiente galego.

Mágoa que décadas de esforzo non chegasen para conseguirmos estes obxectivos dende o vello movemento, mágoa que a experiencia nos abra os ollos e non confiemos nesta federación que nunca nos invitou a unirnos a eles, da que apenas coñecemos un rostro.Por todo isto, queremos recordar á sociedade que o reparto das axudas pola resolución do 3 de outubro da Consellería de Medio Ambiente publicada no DOG o 16 de outubro de 2008 foi cando menos arbitrario, algo que xa anticipaba a lei de subvencións 9/2007 feita a medida para novas asociacións e federacións.

Queremos tamén recordar aos cidadáns preocupados polos problemas medioambientais que confíen na experiencia dalgunha das múltiples asociacións ou persoas vinculadas ao ecoloxismo ou ao coñecemento da natureza dende hai décadas e desconfíen desta nova federación que está a ser tan beneficiada pola administración: a FEGAMA, que ademais, segundo informa a prensa (ver EL PAÍS-Galicia, 7 e 8 de novembro de 2008, entre outros), moita da súa experiencia non era en medio ambiente, senón no sindicato agrario UUAA, afín á UXT, son máis que sospeitosas. Pedimos pois á nosa administración un mellor criterio e máis seriedade e transparencia no reparto de subvencións con cartos públicos en materia medioambiental.

Presentamos a campaña Carpobrotus’08

2008-04-26T20:09:00.014+02:00

O proxecto da tempada 2007:

Dende o G.N. Hábitat, inda sabedores de que hai outras ameazas dos ecosistemas costeiros se cadra máis graves, decidimos aborda-lo problema das plantas invasoras por axustarse a un obxectivo medioambiental asequible por medio do voluntariado. Asemade, cómpre lembrarmos que no litoral coruñés existen especies únicas (endémicas) como Linaria aguillonensis ou Omphalodes littoralis ssp gallaecica, entre outras, así coma unha decena de ecosistemas protexidos. Despois de estuda-las poboacións de unlla de gato nun amplo sector da Costa da Morte Norte, vimos que afectaba a moitos deses ecositemas, inda que de maneira incipiente, polo que estamos nun momento idóneo para actuar, evitando unha maior extensión que dificultase a conservación das comunidades autóctonas.

Tramo estudado: Faixa litoral dunha centena de metros de grosor dende Caión (Laracha) ata a Punta Nariga (Malpica), incluíndo gran parte do litoral bergantiñán.

Protección: o terreo estudado englóbase no ZEPVN-LIC Costa da Morte e ZEPVN-ZEPA da Costa da Morte Norte.

Unlla de gato (Carpobrotus edulis e C. acinaciformis)

Procedencia: Suráfrica.
Ecoloxía: Especies alóctonas con gran potencial invasor, debido a:

Mecanismos de reprodución asexual ou vexetativo.
Alta taxa de crecemento en condicións axeitadas.
Capacidade de rebrote despois de seren cortadas.
Tolerancia a factores ambientais adversos.
Mecanismos de defensa contra os depredadores.
Boa aptitude competitiva.
Intervalo ecolóxico amplo.

Ameazas para a flora autóctona: Provoca a extinción de especies nativas ou o empobrecemento da biodiversidade dun lugar mediante a competición polo espazo, polinizadores, dispersores e recursos (nutrientes, auga e luz) coas especies autóctonas. Isto acaba desvalorizando as especies autóctonas e contribúe á perda de identidade cultural.

Comunidades vexetais autóctonas afectadas:

Na Costa da Morte existen uns 21 ecosistemas de protección prioritaria establecidos pola directiva europea Hábitats, dos cales unha decena resultaron afectados por Carpobrotus spp. no presente estudo. Para facilita-la súa clasificación, resumímolos en 4 grupos tendo en conta as semellantes condicións ecolóxicas:

1. Penedos costeiros: Rochedos silíceos con vexetación pioneira do Sedo-Scleranthion ou do Sedo albi-Veronicion dillenii e rochas dos cantís con vexetación litoral atlántica.

2. Dunas móbiles embrionarias e dunas móbiles de litoral con Ammophila arenaria (dunas brancas).

3. Mato con breixos húmidos atlánticos tépedos de Erica ciliaris e E. tetralix, con breixos secos europeos, con breixos secos atlánticas costeiros de E. vagans ou breixos oromediterráneos endémicos con toxo.

4. Solos esqueléticos de dunas costeiras fixas con vexetación herbácea -dunas grises-, con céspedes do Malcomietalia ou con vexetación esclerófila do Cisto-Lavanduletalia e parte superior dos cantís con vexetación das costas atlánticas.Todos eles están afectados nunha extensión semellante, inda que podemos destaca-los rochedos costeiros. Un quinto grupo de ecositemas afectado, sen protección algunha, é no que se cultiva a maior parte de pés de unlla de gato: os medios antrópicos. A pesar diso, só representa o 16 % (ver gráfico), o que vai en consonancia co relativo baixo nivel de ocupación humana da zona de estudo.

Relación cos medios humanizados:

Inda que poidamos considerar modificados a totalidade dos medios observados, referímonos aquí a medios intensa ou recentemente alterados pola acción humana (construcións, terras removidas, pistas, vertedoiros...). Estes medios nunca estaban lonxe das “manchas” de unlla de gato, constatándose ademais unha maior cobertura destas nas zonas de ocupación recente, coma os arredores da vila de Malpica (Barizo, Punta Nariga) e Razo. É tamén de destacar a gran extensión destas “manchas” arredor de infraestruturas ligadas ao mar coma pequenos portos e embarcadoiros (Razo, Malpica e Seiruga), faros (Illas Sisargas e Punta Nariga) e paseos (Razo e Malpica). De menor extensión, pero máis repartidas están as “manchas” ligadas a residencias de verán e vertedorios de lixo (Leira, Seiruga, Barizo...).

Ilustración 1. Gráfica das superficies afectadas.

Outras plantas invasoras frecuentes na Costa da Morte Norte:

- Canaveira (Arundo donax): Planta procedente da rexión Mediterránea, adaptada a terreos areosos e húmidos, é freceunte en ribeiras e desembocaduras de ríos e pode invadir algunhas dunas próximas.

- Botóns amarelos (Cotula coronopifolia): Pequena herba vivaz que coloniza zonas herbosas en humidais costeiros. Orixe: Suráfrica.

- Outras especies invasoras detectadas nas proximidades ou na zona de estudo: Herba da Pampa ou cortadeira (Cortaderia selloana): Frecuente como ornamental en obras públicas ou xardíns. Menos invasivas, herbáceas ornamentais procedentes de Suráfrica, abondan: Arctotheca calendula, Bidens aurea, Hellichrysum foetidum son tamén frecuentes na zona e todas orixinarias de Suráfrica.

Solucións:

- Busca alternativas para estabilizar terreos ou embelecer no teu xardín e colabora para que os teus veciños atopen tamén alternativas menos daniñas para as comunidades autóctonas.

- Esixe á administración que protexa amplas zonas sen urbanizar arredor e na propia ZEPVN da Costa da Morte, para agredir o menos posible os seus valores naturais e evita-la aparición de novos focos desta especie invasora ligada en orixe aos medios humanizados.

- Colabora voluntariamente coa nosa ou con outra entidade para a conservación do medio ambiente no seu estudo ou erradicación .

Proxecto actual (tempada 2008-09)

Ilustración 2. Mapa da franxa costeira estudada a tempada actual.

- Cartografado das poboacións do segundo tramo de estudo da Costa da Morte (ver ilustración de enriba).

- Erradicación daquelas poboacións que afecten aos ecosistemas máis valiosos, coordinándonos con Concellos e a Consellería de Medio Ambiente e DS.

- Seguimento das manchas estudadas, sobre todo daquelas con máis posibilidades de expansión e as que foron xa tratadas por se rebrotasen.

Se queres colaborar no estudo ou erradicación das poboacións de unlla de gato na Costa da Morte, non dubides en contactar con nós, pois da acción voluntaria depende boa parte da conservación do medio ambiente.

O nº 15 do boletín A Mobella está dispoñible!

2008-01-28T13:18:00.001+01:00

O noso grupo editou este número en outono do 2007, que foi repartido aos socios e agora comezamos a distribuír na web. Cumprida a quincena de números, quixemos mellora-la organización da revista, que xira arredor de tres eixos, recollendo observacións (Caderno de Campo), pequenos estudos (Investigación) e artigos didácticos ou de recompilación de documentos (Divulgación). Isto acompañado doutras seccións máis xeneralistas, como son a Editorial, Actividades e Novas e Opinión.

En canto aos temas tratados, neste número decicámoslle unha especial atención aos coleópteros, sobre todo aos carábidos, e como de costume aos mamíferos, inda que o espazo que tradicionalmente se dedicaba a aves e hérpetos nesta ocasión non puido reservarse pola extensión dos documentos mencionados. Non están, sen embargo, ausentes en interesantes observacións de campo e acompañados doutros grupos pouco estudados coma as arañas.

(Para poder ver as imaxes ampliadas poñede o ratón sobre a imaxe e facede un "click")

Nestas imaxes podes comproba-la súa apariencia e algúns dos seus contidos para abrir boca. Se queres que cha enviemos para informarte e colaborar coa asociación por 1 € máis gastos de envío, só tes que poñerte en contacto con nós no correo electrónico gnhabitat@yahoo.es, telefonearnos (981·135014) ou escribirnos (non esquezas que cambiamos de local! -r/ Camariñas, nº 8. 15002. A Coruña). Tamén podes recollela no propio local tódolos mércores a partir das 20:30.

Agardamos que sexa do teu interese e vaia para que todos aprendamos a comprender e respectar máis o noso medio natural.

Maratón de observación de aves de Hábitat: 29-12-07

2008-01-14T11:05:00.002+01:00

Os equipos participantes este ano foron 3, integrados por 3/4 membros cada un:

Equipo 1: Alfonso Campos, Jorge Ramos e Ramón Sineiro.

Equipo 2: Óscar Vázquez, Pablo Carballo, Alfredo Álvarez (e Roberto López pola mañá).

Equipo 3: Santiago Vázquez, Roberto Vidal, Carlos Guarddon e Javier.

O grao de compañeirismo e o aprendido durante esta xornada non deixou de sorprendernos.
A continuación téde-la lista de aves observadas (en negriña as só observadas por un equipo).

1º Mobella grande	2º Mergullón cristado	3º Mergullón pequeno
4º Mascato común	5º Corvo mariño grande	6º Corvo mariño cristado
7º Garza real	8º Garzota común	9º Cullereiro
10º Ganso bravo	11º Ganso de cara negra	12º Ganso do Canadá
13º Cisne mudo	14º Lavanco	15º Cerceta común
16º Pato frisado	17º Pato asubiador	18º Pato cullerete
19º Pato chupón	20º Pato cristado común	21º Pentumeiro común
22º Aguia peixeira	23º Azor	24º Bexato común
25º Tartaraña das xunqueiras	26º Falcón común	27º Esmerillón
28º Lagarteiro común	29º Galiñola común	30º Galiñola negra
31º Gabita	32º Píllara grande	33º Píldora dourada común
34º Píldora cincenta	35º Avefría	36º Virapedras
37º Pilro común	38º Pilro gordo	39º Bilurico patirrubio
40º Bilurico claro	41º Bilurico pequeno	42º Mazarico rabinegro
43º Mazarico rubio	44º Mazarico real	45º Mazarico chiador
46º Becacina común	47º Gaivota chorona	48º Gaivota cabecinegra
49º Gaivota escura	50º Gaivota clara	51º Gaivota arxéntea
52º Gaivotón	53º Carrán patinegro	54º Carolo
55º Pombo	56º Rula turca	57º Avelaiona común
58º Peto verde	59º Andoriña dos penedos	60º Pica común
61º Pica alpina	62º Lavandeira real	63º Lavandeira branca
64º Lavandeira moura	65º Carrizo	66º Azulenta común
67º Reiseñor bravo	68º Papuxa das amoras	69º Papuxa do mato
70º Picafollas común	71º Carriza dos xuncos	72º Picaxuncos común
73º Curroxo común	74º Paporrubio	75º Merlo común
76º Tordo malvís	77º Tordo común	78º Ferreiriño rabilongo
79º Ferreiriño común	80º Ferreiriño azul	81º Ferreiro abelleiro
82º Gabeador común	83º Escribenta do souto	84º Escribenta das canaveiras
85º Pimpín vulgar	86º Xirín común	87º Verderolo
88º Úbalo	89º Xílgaro	90º Liñaceiro común
91º Pardal común	92º Estorniño pinto	93º Estorniño negro
94º Pega marxa	95º Pega común	96º Choia biquivermella
97º Corvo pequeno	98º Corvo grande

Aquí podedes ver un par de gráficos onde se reflicten as distribucións de especies por equipos:

Inicio da campaña de erradicación da unlla de gato

2007-12-04T20:33:00.005+01:00

A retirada da unlla de gato (Carpobrotus spp) destas dúas últimas fins de semana (25 de novembro e 2 de decembro) en Pedra do Sal (Baldaio) foi unha estupenda experiencia piloto para futuras actuacións, dende logo a planta é difícil de manipular e de transportar, o que complicou máis o transporte ao contedor que puxo o Concello de Carballo.

Aproximadamente, puidemos retirar uns 300 metros cadrados de Carpobrotus, enchemos o contedor, e fixemos un montón de varios metros de diámetro e de máis dun metro de altura, e seguro que en total foron máis dunha tonelada de residuos, os que arrincamos.

Adxúntovos o enlace da noticia que saíu no telexornal aquí .

Apertas

Xornada de observación de aves migratorias

2007-11-23T20:58:00.003+01:00

Este domingo de San Martiño (11 de novembro) e de cara ao público en xeral, situámonos no transitado paseo da ría do Burgo, esta vez un pouco máis tarde do habitual día das aves a primeiros de outubro por mor do cambio de local. De tódolos xeitos, estamos en pleno paso migratorio e inda que os ventos non axudaron, o sol luciu espléndido para que todos visen as aves máis grandes alimentarse e loitando polos seus lugares preferentes (garzas reais, corvos mariños grandes, garcetas comúns, gaivotas patiamarelas, choronas e escuras,...). Tamén as pequenas limícolas facían das súas, coma os pilros comúns, biluricos claros, biluricos comúns e as píllaras cincentas, todas con numerosos individuos alimentándose durante a marea baixa.
Tamén amenizaban a xornada os 4 cisnes comúns xa afeitos á liberdade que lles proporciona a fértil desembocadura do Mero, xa asilvestrados hai anos. E por último, os aventureiros solitarios, cun único exemplar por especie, vimos:

- Bilurico común (Tringa totanus)
- Gaivotón (Larus marinus) –adulto.
- Bilurico escuro (Tringa erythropus)
- Mazarico rubio (Limosa lapponica)
- Gaivota cabecinegra (Larus melanocephalus)
- Píllara dourada (Pluvialis apricaria)

Coincidimos na cita cun grupo de ornitólogos que quedaran para o mesmo día a través de http://www.elornitologo.com/, entre eles o noso compañeiro Antonio Sandoval, cun blog de xa varios anos sobre a ría que podedes consultar aquí. Nesta páxina podemos comprobar que a única novidade é a presenza da píllara dourada, con respecto a estes días.

Tamén aproveitamos para achegar información sobre as aves aos transeúntes, darnos a coñecer e comeza-la entrega do Calendario 2008, este ano dedicado ás especies de plantas con flor endémicas de Galicia (e só de Galicia). Pensamos tivo bastante boa acollida e espertou bastante interese. Cada socio terá un gratuíto, pero o resto de calendarios pódense conseguir por 1 €... ata que se esgoten!

Pero ademais foi moi agradable comprobar como algúns facían o seu primeiro contacto co telescopio terrestre, coa beleza das aves de perto, coas novas pequenas especies chamadas limi... que?, e moitos sacudían a saudade das experiencias de campo nesta contorna urbana. Tamén tivemos reencontros e repetidas denuncias sobre a situación da ría, que a pesar de cheirar menos, segue a ter importantes eivas (escumas flotando, envases flotantes que se acumulan nas beiras, fondos colmatados e outros residuos). Sentimos non ter máis poder para modificar esta situación, pero estamos orgullosos de facilitar cada ano a máis xente un pequeno achegamento respectuoso e curioso á maltratada natureza.

Entrega do informe sobre a unlla de gato na Costa da Morte Norte

2007-11-23T20:47:00.001+01:00

Coa fin de facer un seguimento das manchas desta especie invasora (Carpobrotus spp) posteriormente á súa eliminación, fíxose un mapa e un informe sobre as áreas cubertas, as comunidades afectadas e algunhas outras especies invasoras detectadas en dito espazo protexido (só entre Caión e Punta Nariga. Cunha superficie total afectada de máis de 12 mil metros cadrados, destacamos Barizo, con algo menos da metade do total e despois, por este orde: Razo, Punta Nariga e as Illas Sisargas, e apareceron moitas máis perto de construcións e estradas que en campos de cultivo ou zonas silvestres ou abandonadas afastadas daquelas. Non por iso afectan a zonas de menor valor, xa que os ecosistemas prioritarios das dunas e as comunidades de cantís atlánticos suman unha superfice superior ás zonas fondamente alteradas ligadas a terras removidas ou construcións.A eliminación da unlla de gato poderase levar a cabo entre este mes e todo o ano que vén.

¡¡¡¡¡¡Mudamos de local!!!!!

2007-11-23T20:37:00.000+01:00

Entre bastantes tarefas, forzados polas circunstancias, cambiamos de local en outubro á rúa Camariñas, nº 8, Baixo. 15002. A Coruña (zona do mercado de Montealto, baixando polo lado esquerdo e collendo a primeira rúa que descende cara ás praias). Podes chamar ou acudir ás nosas reunións como sempre os venres sobre as 21:00.O novo emprazamento consta de dous despachos, unha sala e un aseo. Os despachos inda non están equipados, pero a propia sala é xa máis ampla que o vello local. A inauguración será a finais de decembro, unhas semanas antes da primeira asemblea.

Ameazada unha planta en perigo e dificultada a migración de aves limícolas pola mala xestión das augas da lagoa de Baldaio.

2007-09-30T19:39:00.001+02:00

Este foi o aspecto da lagoa incluso coa marea baixa polo menos as fins de semana deste verán. Supoñemos que todo seguirá igual nos próximos meses. En marzo dragábase a lagoa e xa en maio as comportas estaban a punto despois da obra que executou Costas en virtude dunha concesión de Costas e a Consellería á asociación de mariscadoras, sen escoitar a ecoloxistas nin atender a criterio ambiental ningún. Logo dunha reparación, comezaron a funcionar e foi en xuño cando vimos que o nivel da lagoa se mantiña ao nivel que vedes, presuntamente por razóns de vixilancia, as fins de semana. Despois de moitas xestións nas administracións e conversas con representantes das asociacións que figuran máis abaixo, o Grupo Naturalista Hábitat enviou aos medios a seguinte nota de prensa conxunta que saíu publicada o 3 de setembro:

A lagoa costeira de Baldaio (Carballo) é a que presenta a comunicación co mar máis fluída de Galicia, polo que está completamente sometida ás oscilacións das mareas. Isto determina unha fauna case propia dun esteiro máis que dunha lagoa, pero coa diferenza de ofrecer unha superficie intermareal inmensa concentrada arredor da lagoa, que é toda a chaira lamacenta que descobre a marea baixa. Este ecosistema, ademais de estar protexido pola Directiva Hábitats, é vital para a alimentación de aves limícolas protexidas coma a píldora cincenta (Pluvialis squatarola), o pilro gordo (Calidris canutus) e o mazarico rubio (Limosa lapponica), entre decenas de especies. Citamos estes tres exemplos porque xa sufriran claras consecuencias durante a explotación de áridos nas lagoas na década dos setenta. Despois desta desfeita gañouse a lagoa para os mariscadores e tomouse conciencia da ameaza que sufrían os seus valiosos ecosistemas, polo que se declarou lugar de interese comunitario en 1999 e zona de especial protección para aves no ano 2003 dentro da Rede Natura 2000. Naquel momento a explotación de baixa intensidade era compatible coa conservación, é dicir, tratábase dunha explotación sostible. Hai que destacar ademais que a Directiva Hábitats (92/43/CEE) protexe os catro ecosistemas afectados polo anegamento, entre eles os pasteiros salinos onde vive a planta Limonium dodartii, especie endémica do litoral occidental europeo considerada en perigo crítico de extinción.

Durante o mes de xuño a Demarcación de Costas rematou a instalación dunhas comportas para a “rexeneración ambiental” da lagoa e cedíallas á confraría de mariscadores para a súa xestión. A confraría, como é lóxico, aplicou criterios unicamente de explotación (vixilancia da extracción, produción de bivalvos co mar a un nivel case constante). A Consellería de Medio Ambiente e Desenvolvemento Sostible, pola súa banda, convocaba concurso para un proxecto de explotación sostible no Lugar de Interese Comunitario mentres todo isto sucedía co seu consentimento.

O pasado mes de xullo o Grupo Naturalista Hábitat en contacto coa administración solicitou a apertura cautelar das comportas, a cal recoñeceulle que era unha proposta correcta, pero entraba en conflito coa cesión da xestión das comportas do espazo protexido aos mariscadores.

O Grupo Naturalista Hábitat, a Sociedade Galega de Ornitoloxía (SGO), a Federación Ecoloxista Galega (FEG) e a Sociedad Española de Ornitología (SEO/BirdLife) presentaron os correspondentes escritos para recibir unha explicación oficial. Agora mesmo a situación está ben clara: a demarcación e a consellería incumpren as normativas europeas.

Agora mesmo a situación está ben clara: a demarcación e a consellería incumpren as normativas europeas. A conservación da lagoa costeira de Baldaio pasa polo mantemento da dinámica de mareas. O delega-la xestión do espazo protexido aos que se benefician da súa modificación é, ademais de insostible, ilegal.

Actualmente as prontas contestacións oficiais remiten a un non tan pronto plan de sostibilidade da lagoa (en fase de concurso). Da calidade deste plan depende a conservación do espazo. A explotación dos recursos da lagoa debe producirse, pero con limitacións, pois a conservación dos seus valiosos ecosistemas depende delas. De momento confiamos en que as administracións competentes executarán un plan de sostibilidade no presente ano, o que suavizaría, pero non xustificaría, o erro cometido coa concesión das comportas. De tódolos xeitos, estamos xa preparando os informes necesarios para a conservación de avifauna e flora ameazada no espazo.

Por desgraza hai máis ameazas sobre o espazo, xa que non se habitualmente transitan vehículos e cabalos polas dunas, fanse actividades acuáticas que molestan ás aves,... Todas estas actividades están prohibidas, polo que che pedimos a túa colaboración para que avises ti mesmo/a ao SEPRONA ou a nós para tramitármo-la correspondente denuncia.

Alfonso Campos estrea o blog !!!

2007-02-15T16:49:00.000+01:00

Pois ben aquí temos a nosa primeira entrada. Estas fotos foron feitas por Alfonso Campos no Parque Natural de Redes (Asturias) o día 28 de Xaneiro deste 2007. Segundo nos comenta esta pita do monte é a única da que se ten constancia no Parque.

¿Quen somos?

2007-01-06T21:52:00.001+01:00

O Grupo Naturalista Hábitat é unha das asociacións conservacionistas máis sobranceiras de Galicia, dende a súa fundación na Coruña en 1979 por un grupo de naturalistas entusiastas, vén realizando diversos estudos sobre o medio natural galego, xunta numerosas campañas de divulgación da natureza, contribuíndo a xerar en Galicia unha corrente de preocupación polo medio ambiente, ata entón case inexistente.

Dende os seus inicios, Hábitat sempre foi fiel a unha consigna básica: traballar pola protección dos espacios naturais e das especies ameazadas en Galicia, dende un enfoque naturalista baixo criterios científicos.

Froito deste traballo incesante, Hábitat ten contribuído de maneira clave na protección de numerosos espacios naturais agora xa emblemáticos, coma o humidal de Baldaio, os humidais da Costa da Morte, o encoro de Abegondo-Cecebre, as Fragas do Eume, a ría de Ortigueira ou a Costa de Dexo, entre outros.

Paralelamente a este traballo conservacionista, Hábitat organiza decote numerosas excursións, cursos e xornadas de divulgación da natureza, dirixidos ó público en xeral, baixo a premisa de que difícilmente se pode protexer o que non se coñece.

No Grupo Naturalista Hábitat, somos conscientes de que aínda queda moito traballo por facer para garanti-la protección eficaz do patrimonio natural galego. Para conseguilo, é preciso xuntar tódolos apoios posibles.O Grupo Naturalista Hábitat, é unha asociación sen ánimo de lucro e politicamente independente e forma parte da C.E.M.MA. (Coordinadora para a defensa dos Mamíferos Mariños).

Luis Mi dállela benvida ó Grupo Naturalista Habitat !!!

2007-01-06T19:52:00.000+01:00

Como socio do Grupo Naturalista Habitat doullela benvida ó blog do grupo. De agora en diante este será o punto de encontro dos socios e socias que desexen compartir información,comentarios, fotografías,etc. No intento de non perder o tren das novas tecnoloxías e coa finalidade de dar maior dinamismo e interactividade ó grupo comeza aquí unha nova andaina do grupo naturalista na web.Espero a vosa colaboración !!!. Un saúdo.

FAITE SOCI@!

2007-01-01T12:14:00.000+01:00

No Grupo Naturalista Hábitat, somos conscientes de que aínda queda moito traballo por facer para garantir a protección eficaz do patrimonio natural galego, e para conseguilo, é preciso xuntar tódolos apoios posibles.

Ti podes participar en actividades puntuais que sexan do teu interese, ou mesmo dun xeito máis regular, facéndote socio. Para iso, só tes que cubrir esta ficha e facela chegar ao G. N. Hábitat por correo postal ou electrónico.

Os socios reciben gratuitamente nos seus domicilios un exemplar da revista de divulgación A Mobella, da revista científica Chioglossa e do calendario, e son incluidos na lista de difusión de actividades do grupo.