Mariposas por la vida: 12 xaneiro en Vigo


Presentación do libro "Mariposas por la Vida", unha guía visual das mariposas ibéricas diurnas co que se recadan cartos para a Fundación Miquel Valls, que axuda a enfemos de Esclerosis lateral amiotrófica (ELA).

Terá lugar no auditorio da Obra Social Novacaixagalicia (rúa Policarpo Sanz 26, Vigo) o sábado 12 de xaneiro co seguinte programa:

16:00 h. Presentación do libro por parte de Juan Ramón Córdoba León e José Manuel Sesma con explicacións sobre este e sobre a fundación Miquel Valls.

17:00 h. Taller de fotografía de bolboretas guiado por Juan Ramón Córdoba León, fotógrafo de recoñecido prestixio.

18:00 h. Charla e exposición dun tema específico relacionado coas bolboretas diúrnas, guiado por Rafael Estévez Rodríguez, fotógrafo vigués e experto na materia.

19:00h. "A fotografía, a nova entomoloxía" por José Manuel Sesma, presidente de Fotografía e Biodiversidade

20:00 h. Coloquio-taller de identificación das bolboretas diúrnas. Actividade interactiva aberta á participación de todos os asistentes. Participasen Juan Ramón Córdoba, José Manuel Sesma, Luis Canencia, Rafael Estévez e Jose Álvarez Gándara.
Segue lendo...

Conferencia SGHN 27/12/12: Eurynebria complanata


O relator desta conferencia será Pablo Carballo, biólogo, profesor, naturalista, e socio do G.N. Hábitat. Leva algo máis de tres anos adicados de cheo ao estudo da ecoloxía desta singular especie na Costa da Morte (A Coruña). Terá lugar o xoves 27 de decembro ás 20:00 horas no Salón de Actos do Museo de Historia Natural (Casa do Coronel, s/n. Praza de Canido, Ferrol, A Coruña)

Ademais haberá unha saída, posiblemente a realizar o venres 28 de decembro coa intención de poder observar esta especie no seu propio hábitat.

A Eurynebria complanata é un insecto depredador que cada vez está máis ameazado -e menos estudado- debido ao deterioro do seu hábitat específico do que, cada vez máis, tende a desaparecer (praias, na zona de transición entre a duna embrionaria e a liña de preamar).
Segue lendo...

Charla 26 decembro: quen extinguiu a balea vasca?

Trala charla, gozaremos duns pinchos de Nadal para despedir o ano cos socios de Hábitat!

Nos Encontros Naturalistas de decembro contaremos de novo cun interesante relatorio do Dr. Carlos Nores, Profesor da Universidade de Oviedo, Subdirector da fundación Oso Pardo e do INDUROT (Instituto de Recursos Naturales y Ordenación del Territorio) e especialista na bioloxía, distribución e conservación de mamíferos.

A charla terá lugar no local do Grupo Naturalista Hábitat, Rúa Camariñas, 8-baixo (xunto á praza de Monte Alto) A Coruña, o mércores 26 de decembro ás 20:30 h, e leva como título "Quen extinguiu a balea vasca?".

Dado que o aforo é limitado, pregamos confirmedes a vosa asistencia cun día de antelación no e-mail do grupo (gnhabitat@yahoo.es) co asunto "ASISTENCIA".

Graciñas!.
Segue lendo...

12 decembro: III Feira da Sustentabilidade

O mércores 12 de decembro Hábitat participará na III Feira da Sustentabilidade da universidade da Coruña.

Terá lugar na Facultade de económicas (Campus de Elviña) de 11:00 a 19:00 h.

O obxectivo é achegar á universidade unha mensaxe sobre o consumo responsable e comercio local, así como dar a coñecer diferentes entidades e asociacións ambientalistas.

Programa da Feira: 11.00 h Apertura da III Feira de Nadal 11:15 h Inauguración da III Feira de Nadal 11.30 h Charla- debate: Fiare, Banca ética (a cargo de Raúl Asegurado, presidente da asociación Fiare Galiza) Salón de Graos (2º planta) 12.30 h Obradoiro: Cestería con papel. FEITO CON XEITO. 1º Andar 17:00 h Obradoiro: Cosméticos naturais. ADEGA. 1º Andar Ademais, en horario continuado: Exposición de xogos tradicionais. A casa dos xogos. 1º Andar Mercadiño de Troco. 1º Andar Stands de asociacións ambientalistas.
Segue lendo...

Xornada: Estratexias para mellora ambiental no Golfo Ártabro

O vindeiro luns 10 de decembro celébrase en Sada unha xornada sobre Estratexias para mellora ambiental no Golfo Ártabro, organizada polo Grupo de Acción Costeira "Golfo Ártabro".

Terá lugar entre as 17 h e as 20 h, e contará cun relatorio a cargo da Fundación Fragas do Mandeo, da que Hábitat é patrono.

O obxectivo é articular unha extratexia para o territorio do Grupo de Acción Costeira Golfo Ártabro para os vindeiros anos, no que os recursos naturais deben ser preservados para asegurar a continuidade das actividades marisqueiras e mariñeiras.

Lugar: na Aula da Casa do Mar de Sada, sita en Av do Porto S/N Casa do Mar SADA. Correo electrónico de inscrición a xornada: gac2@accioncosteira.es

Programa completo
Segue lendo...

Encontros Naturalistas 30-11-12: por que anelar aves?


A sesión Encontros Naturalistas de novembro tratará sobre a importancia do anelamento científico de aves e dos proxectos e estudos que del se derivan, e correrá ao cargo de Alberto Monteagudo Rúa (A Coruña, 1961), afeccionado ás aves e membro do Grupo Naturalista Hábitat desde 1980. É anelador experto desde hai máis de 20 anos, comezando a marcar aves nas proximidades da Coruña con outros históricos de Hábitat como Manolo Carregal e José María Fafián. En 1998 fundou con outros socios de Terranova Interpretación y Gestión Ambiental, adicada a actividades relacionadas co medio natural, en especial educación ambiental.

A charla terá lugar o venres 30 de novembro ás 20.30 h local do Grupo Naturalista Hábitat (rúa Camariñas 8 baixo, A Coruña).
Segue lendo...

CURSO: Paxaros do Ortegal


Damián Romay, socio de Hábitat, imparte este interesante curso composto por unha xornada teórica (sábado 10 de novembro) e outra práctica (domingo 11).

A inscrición só custa 5 €. Máis información e inscricións: Fundación Ortegalia.
Segue lendo...

Lotería 2012

A falta de dous meses para o sorteo de lotería de Nadal, xa temos dispoñibles as participacións de lotería de Hábitat. Mercando estas participacións, ademáis de optar a algún dos premios que se sortean, estarás contribuíndo ao sostemento do grupo. Segue lendo...

7-10-12: Día das Aves na Ria de Betanzos

O 7-10-12 desenvolvemos unha serie de actividades conmemorativas do Día das Aves dentro do programa "Encontros Naturalistas". Arredor de 35 asistentes puideron desfrutar do anelamento e a observación de aves no observatorio ornitolóxico de Souto (Paderne, A Coruña), na ría de Betanzos (ver ubicación).

Destacou a observación dun xuvenil de millafre real (Milvus milvus) en aparente migración ao SSW, dúas tartarañas das xunqueiras (Circus aeruginosus), tres biluricos escuros (Tringa erythropus), dous pilros grosos (Calidris canutus) e tamén dúas papuxas cabecinegras (Sylvia melanocephala). Tamén observouse unha aguia pescadora (Pandion haliaetus) no contorno de Betanzos.

A sesión de anelamento correu a cargo de Paco Rosende e Miguel Maestro, do Grupo de Anelamento Hércules, e capturáronse, entre outras especies, gaio (Garrulus glandarius) e reiseñor bravo (Cettia cetti).

Podes ver algunhas fotos da actividade no álbum da nosa páxina de Facebook.

Segue lendo...

Semana de Custodia do Territorio nas Mariñas Coruñesas e Terras do Mandeo

A finais de setembro vai ter lugar a Semana de Custodia do Territorio nas Mariñas Coruñesas e Terras do Mandeo coa programación de diversas actividades (conferencias, encontros e saídas ao campo). Organizada pola Asociación de Desenvolvemento Rural Mariñas-Betanzos e por Fragas do Mandeo, o obxectivo deste evento é divulgar e fomentar a protección da natureza a través de actuacións de custodia do territorio, dentro do marco da semana europea de custodia LandLife Week.

Xoves 27 de setembro, 20:00 h. Salón Azul do Liceo, Praza Irmáns García Naveira, Betanzos.
Conferencia: As necesidades de conservación do río Mandeo. Fernando Cobo Gradín, director da Estación de Hidrobioloxía Encoro do Con, da Universidade de Santiago de Compostela.

Venres 28 de setembro, 9:00 - 14:30 h. Centro de Investigacións Agrarias de Mabegondo (km 8 da estrada AC-542, Abegondo).
II Encontro Galego de Custodia do Territorio.

Sábado 29 de setembro, 9:00 – 19:00 h.
Visita ao bosque de Ridimoas no Ribeiro de Avia (Ourense).

Domingo 30 de setembro, 9:00 - 13:00 h. Observatorio ornitolóxico de Souto (Paderne).
Observación de aves na ría de Betanzos.

Para ver o programa completo en PDF, preme AQUÍ.
Segue lendo...

A Fundación Fragas do Mandeo xa ten fincas propias

O 5 de setembro foron asinadas as escrituras de compra-venda de dous montes na ribeira do río Mandeo, cunha superficie de 2.892 m2. Estas fincas forman parte do espazo natural protexido LIC Betanzos-Mandeo, e teñen unhas características ecolóxicas similares ás cedidas en Flores (Coirós, A Coruña), polo que se estenderán a elas as actuacións de mellora ambiental xa programadas.

A finalidade da cesión e adquisición de fincas é conservar a paisaxe e a biodiversidade da comarca de As Mariñas mediante mecanismos de custodia do territorio.

O importe destinado á adquisición foi achegado por varias persoas e asociacións que veñen colaborando con Fragas do Mandeo dende a súa fundación, ás que expresamos o noso agradecemento.

Anímate a sumarte a elas e formar parte activa na conservación da natureza da nosa bisbarra colaborando connosco.

Máis información en www.fragasdomandeo.org
Segue lendo...

A Fundación Fragas do Mandeo xestiona unha finca en Flores (Coirós, A Coruña)

Comprácenos anunciar que a Fundación Fragas do Mandeo (FFM), da que Hábitat é patrón, recibiu a principios de agosto a cesión por 20 anos dun monte situado na ribeira do Mandeo, preto do lugar de Flores (Coirós, A Coruña), grazas ao altruísmo de D. Ángel Gayoso, veciño de Ois.

A finca ten unha superficie catastral de 2.715 m2 e forma parte do espazo natural protexido LIC Betanzos-Mandeo. Ao estar situada na ladeira do val ten unha elevada pendente, e a vexetación vai cambiando coa altura: a parte superior esta poboada por un eucaliptal, a media ladeira medra un queirogal e na zona máis baixa, lindando co río, atópase un denso bosque de ribeira.

O obxectivo desta cesión é que a FFM a xestione o espazo para a conservación da biodiversidade e da paisaxe. O primeiro paso será a eliminación do eucaliptal e posterior rexeneración da cuberta vexetal con especies autóctonas, mellorando a calidade do hábitat e diminuíndo o risco de lumes.

Fragas do Mandeo e o Grupo Naturalista Hábitat agradecen a D. Ángel Gayoso a súa xenerosidade, ao seu fillo Miguel as xestións na zona en favor da fundación, e á asociación Fillos de Ois a oportunidade de dar a coñecer os nosos proxectos.

Para máis información www.fragasdomandeo.org
Segue lendo...

Encontros naturalistas 31 agosto: baixo a pel da Terra I I

A sesión Encontros Naturalistas do mes de agosto correrá a cargo de Jorge Ramos Abuín, Licenciado en Bioloxía Animal pola Universidade de Santiago, e relator en diferentes xornadas e congresos de entomoloxía. Antigo membro dos grupos de espeleoloxía "Rey Gerión", "E. C. Obelix" da Coruña e "Club de Montañeros Celtas" de Vigo, foi tamén Vogal de Conservación de Cavidades da Federación Galega de Espeleoloxía.

Ten publicado un libro de texto de bioloxía e numerosos artigos entomolóxicos. Do seu labor investigador recente destacamos o proxecto Transgalaica, a súa intervención no descubrimento da larva de Cychrus spinicollis, a redescrición da larva de Eucarabus deyrollei, e a descrición da pupa desta especie.

Na charla, que terá lugar o venres 31 de agosto ás 20.30 h local do Grupo Naturalista Hábitat (rúa Camariñas 8 baixo, A Coruña), comentará os aspectos máis destacados da ecoloxía e evolución das especies cavernícolas
Segue lendo...

Convocatoria de contratación de persoal

A actividade do GN Hábitat desenvólvese grazas á achega voluntaria de tempo, esforzo e recursos dos seus socios.
Como solución á falta de recursos humanos ante os proxectos que se están a desenvolver, proponse a contratación dun servizo de apoio a través dun profesional que poida cubrir parte das tarefas levadas a cabo pola Xunta Directiva e os socios.
Abriuse un prazo de 30 días naturais para a recepción de candidaturas a partir do 1 de agosto, que rematará o 31 de agosto. Os interesados deberán enviar o currículo, xunto cunha carta de presentación, ao e-mail gnhabitat@yahoo.es.
No proceso de selección valoraranse as titulacións relacionadas coas ciencias e o medio ambiente, así como a realización de traballos e estudos de flora e fauna, ou publicacións no mesmo ámbito, así como a experiencia en traballos similares ou colaboracións con entidades ambientais. Non é requisito imprescindible ser socio do G.N. Hábitat para a presentación da candidatura.
Nos seguintes 15 días naturais, a Xunta Directiva avaliará e resolverá a convocatoria podéndose declarar a mesma deserta no caso de non presentarse ningunha solicitude cos requisitos sinalados, sen prexuízo dunha posterior convocatoria da mesma.

Para máis información e resolución de dúbidas sobre esta convocatoria, contacta connosco. Segue lendo...

Hábitat xa está no Facebook!

O Grupo Naturalista Hábitat xa ten páxina e grupo no Facebook. O obxectivo é mellorar a comunicación cos socios, colaboradores, e con outros grupos naturalistas e ecoloxistas.
Enderezo da páxina: http://www.facebook.com/G.N.Habitat
Enderezo do grupo: http://www.facebook.com/groups/52569990889/

Segue lendo...

Encontros naturalistas 20 xullo: baixo a pel da Terra I


A sesión Encontros Naturalistas do mes de xullo correrá a cargo de Jorge Ramos Abuín, Licenciado en Bioloxía Animal pola Universidade de Santiago, e relator en diferentes xornadas e congresos de entomoloxía. Antigo membro dos grupos de espeleoloxía "Rey Gerión", "E. C. Obelix" da Coruña e "Club de Montañeros Celtas" de Vigo, foi tamén Vogal de Conservación de Cavidades da Federación Galega de Espeleoloxía.

Ten publicado un libro de texto de bioloxía e numerosos artigos entomolóxicos. Do seu labor investigador recente destacamos o proxecto Transgalaica, a súa intervención no descubrimento da larva de Cychrus spinicollis e a redescrición da larva de Eucarabus deyrollei, e a descrición da pupa desta especie.

Na charla, que terá lugar o venres 20 de xullo ás 20.30 h no local do Grupo Naturalista Hábitat (rúa Camariñas 8 baixo, A Coruña), comentará os aspectos máis destacados da ecoloxía dos ecosistemas subterráneos, as súas características e peculiaridades.

Compre destacar que esta charla complementarase cunha segunda sobre ecoloxía e evolución das especies cavernícolas, que terá lugar en agosto.
Segue lendo...

Convócase Asemblea Ordinaria e Extraordinaria o 27 xullo

Pola presente convócase a todos os socios e socias do Grupo Naturalista Hábitat ás vindeiras asembleas do Grupo, que terá lugar no local (r/ Camariñas, nº 8, baixo) o venres 27 de xullo:
  • Asemblea Xeral Extraordinaria, ás 20:00 h en primeira convocatoria e ás 20:30 h en segunda.
  • Asemblea Xeral Ordinaria, ás 20:30 h en primeira convocatoria e ás 21:00 h en segunda.
Se ben xa se enviou por correo postal a convocatoria coa orde do día e a documentación relacionada, os socios que o desexen poden solicitala en formato dixital (PDF) mandando un mail ao grupo co asunto ASEMBLEA. Segue lendo...

VII Rastrillo Solidario Fundación Fragas do Mandeo

Este domingo 15 de xullo entre as 10:00 e as 14:30 horas terá lugar na praza do Campo de Betanzos o VII Rastrillo Solidario organizado pola Fundación Fragas do Mandeo.

Con esta actividade, a Fundación, composta por Rabo do Galo, Sociedade Galega de Historia Natural e Grupo Naturalista Hábitat, pretende recadar fondos para o desenvolvemento das súas actividades.

No rastrillo póñense á venda unha gran variedade de obxectos (libros, complementos de vestir, artigos de regalo e do fogar, xoguetes, etc.), todos eles doados polos socios e colaboradores

Invitámosvos a achegarvos para traer todos aqueles obxectos que non precisedes (unha boa forma de facer limpeza no faiado!), e a mirar se hai algo que vos interese mercar a bo prezo.
Segue lendo...

Anelamento de gaivotas no Portiño

Un ano máis, a sección de anelamento do G. N. Hábitat (Grupo de Anelamento Hércules), levou a cabo unha xornada de marcaxe de polos de gaivota patiamarela Larus michahellis no ENIL Illas de San Pedro (O Portiño, A Coruña).

Aneláronse 39 polos en 5 das illas, algún menos que en 2011, xa que como ocorre con outras moitas especies, parece que esta temporada de cría non está a ser moi boa.

Esta actividade forma parte dos estudos sobre o Espazo Natural de Interese Local que Hábitat está a desenvolver.

Dos 50 polos anelados en 2011 téñense relocalizado 15 en diferentes puntos da península: Valdoviño, Meicende, Doniños, Lorbé... e 4 deles chegaron ata Matosinhos (Porto, Portugal).
Segue lendo...

VI Rastrillo solidario Fundación Fragas do Mandeo

Este domingo 3 de xuño entre as 10:00 e as 14:30 horas terá lugar na praza do Campo de Betanzos o VI Rastrillo Solidario organizado pola Fundación Fragas do Mandeo.
Con esta actividade, a Fundación, composta por Rabo do Galo, Sociedade Galega de Historia Natural e Grupo Naturalista Hábitat, pretende recadar fondos para o desenvolvemento das súas actividades.
No rastrillo póñense á venda unha gran variedade de obxectos (libros, complementos de vestir, artigos de regalo e do fogar, xoguetes, etc.), todos eles doados polos socios e colaboradores.
Invitámosvos a achegarvos para traer todos aqueles obxectos que non precisedes (unha boa forma de facer limpeza no faiado!), e a mirar se hai algo que vos interese mercar a bo prezo.
Segue lendo...

Encontros Naturalistas: fotografar a natureza 27-4-12


Xacobo de Toro, profesor de bioloxía e xeoloxía e afeccionado á fotografía de natureza, falará nos Encontros Naturalistas de abril sobre técnicas, trucos e recursos para captar a beleza do entorno natural. Segue lendo...

Resultados do BioBlitz no monte de San Pedro 1-4-12

Xa temos accesibles para o público algunhas das fotografías tomadas no BioBlitz celebrado o 1 de abril de 2012 no monte de San Pedro (A Coruña).
Premendo en cada enlace accederedes ao álbum de fotos correspondente. Cada álbum leva a indicación da zona onde foron tomadas as fotos e os autores. O nome da especie poñerase como comentario en cada foto. Calquera pode etiquetalas, así que anímate a colaborar na identificación da biodiversidade de San Pedro!.


Aquí podes consultar o mapa do parque coa numeración das zonas.

Novas na prensa:
Segue lendo...

1-4-12: BioBlitz no Monte de San Pedro (A Coruña)


O Grupo Naturalista Hábitat, co apoio da Concellería de Medio Ambiente do Concello da Coruña, organiza un BioBlitz no monte de San Pedro (A Coruña) o vindeiro domingo 1 de abril.

Que é un BioBlitz?
É un estudo intensivo de campo durante un período curto de tempo, no que se explora bioloxicamente unha determinada área para rexistrar e identificar o maior número de especies posible.

Como participar?
Só tes que achegarte coa túa cámara dixital, escoller unha das áreas nas que dividimos o parque, e fotografar todos os seres vivos que vexas.

E despois?

  • Identificaranse todas as especies fotografadas, ben no campo ou a posteriori.
  • Crearase un catálogo virtual público na web www.gnhabitat.org
  • Hábitat quedará cunha copia de todas as fotografías, pertencendo a cada autor os seus dereitos.
Horario de actividades:
10:15-11:15 Visita guiada polo G. N. Hábitat ao Monte de San Pedro.
11:30-14:00 BioBlitz (sesión de mañá)
16:00-19:30 BioBlitz (sesión de tarde)

O punto de partida e encontro é a entrada da Cúpula Atlántica do Monte de San Pedro (A Coruña).

Inscricións, dúbidas e comentarios: gnhabitat@yahoo.es / T: 981 135 014 


Novas na prensa:




Segue lendo...

Necesitamos citas para A Mobella nº 19!

Lembrámosvos que está aberto o prazo de envío de material para o Caderno de Campo da próxima revista A Mobella, que chega ao seu número 19.

Se tedes citas de interese de fauna e flora de Galicia, simplemente seguide os criterios que aparecen no número 18 d'A Mobella, e remitide a vosa selección de rexistros indicando:
  • Especie (nome científico)
  • Data
  • Provincia, concello e lugar
  • Detalles da cita (número de exemplares, hábitat, sexo, idade, comportamento,...)
  • Nomes completos de todos os observadores

Podedes envialo ao correo do grupo gnhabitat@yahoo.es, indicando no asunto: Caderno de campo - A Mobella 19.

Entre todos podemos seguir consolidando A Mobella como unha revista de referencia do naturalismo galego.
Ánimo e grazas por colaborar!

Segue lendo...

Encontros Naturalistas 24-2: ecoloxía de Eurynebria complanata


Este venres 24 de febreiro contaremos no local do grupo coa presencia do biólogo Pablo Carballo, membro do GN Hábitat, quen nos falara da ecoloxía da Eurynebria complanata (Coleoptera: Carabidae).

Pablo leva 3 anos estudando unha poboación da Costa da Morte para actualizar os coñecementos ecolóxicos sobre esta especie tan pouco coñecida no ámbito peninsular, a pesar de tratarse do centro da súa área de dispersión.

Agardámosvos!
Segue lendo...

18-2-12: A realidade do lobo en Galicia

O vindeiro sábado 18 de febreiro no C.E.N "Casa das Insuas" desenvolverase o monográfico "A realidade do lobo en Galicia" coa seguinte programación:

11:00 h. "O lobo en ambientes humanizados"
12:00 h. Mesa redonda-coloquio "A realidade do lobo en Galicia". Intervirán:

  • Luis Llaneza (ARENA S.L)
  • José Vicente López-Bao (ARENA S.L, Grimsö Wildlife Research Station)
  • Emilio García (ARENA S.L)
Segue lendo...

Cinco candidatas á ave máis singular de Galicia en 2011

  • Xa hai finalistas para a quinta edición dos premios RARO e a segunda do VAIA FOTO!
  • A segunda rolda de votacións está aberta a todos os interesados até o vindeiro domingo 19 de febreiro ás 22 h.

Cada ano chegan a Galicia moitas especies de aves escasas ou que non son propias da nosa rexión, e coñécense como rarezas dentro do mundo da ornitoloxía. Pode tratarse tanto de aves de orixe americana, asiática ou africana, como propias doutras partes de España que resultan moi difíciles de ver no Noroeste peninsular. Estas observacións levantan unha expectación extraordinaria entre os ornitólogos, xa que supoñen unha oportunidade única de ver estas especies.

Por este motivo, un grupo de ornitólogos galegos organiza os premios RARO, dirixidos a destacar a observación ornitolóxica máis salientable do ano, e VAIA FOTO!, que premia a mellor fotografía dunha rareza en Galicia. Estes galardóns pretenden animar a todo o mundo a afeccionarse á observación de aves, unha actividade altamente satisfactoria e comprometida coa conservación do medio natural.

Na primira rolda de votacións participaron 109 votantes e contabilizáronse 978 votos, que serviron para elixir aos seguintes finalistas:

Finalistas RARO 2011:

  • Gaviota de Thayer Larus thayeri. San Cibrao (Lugo), 13 a 21 de marzo. Observadores: David Calleja e Raúl Carrillo. É, de ser homologada, a primera cita para España, e en Europa viuse menos de 20 veces.
  • Págalo polar Stercorarius maccormicki. Estaca de Bares (Mañón, A Coruña), 10 de setembro. Observadores: Antonio Sandoval, Ricardo Hevia, Dave McAdams, Toño Salazar, Mario Alonso e José Gómez Aparicio. De ser homologada, a primeira cita para Europa, España e Galicia.
  • Bisbita norteamericano Anthus rubescens. Parque de Bens (A Coruña, A Coruña), 27 de setembro. Observador: Cosme Damián Romay. De ser homologada, é a primeira cita para España e Galicia.
  • Mosquitero sombrío Phylloscopus fuscatus. Praia de Mar de Fóra (Fisterra, A Coruña), 30 de outubro. Observador: Daniel López Velasco. A primeira cita para España, de ser homologada, dun paxaro desta especie non capturado para anelamento.
  • Negrón de Stejneger Melanitta deglandi stejnegeri. Enseada de San Simón (Vigo, Pontevedra), 8 a 23 de decembro. Observador: José Ramón Gómez González. É a primeira cita para España e Galicia, de ser homologada. En Europa viuse menos de 10 veces.

Finalistas VAIA FOTO 2011:

  • Bisbita norteamericano Anthus rubescens. Parque de Bens (A Coruña). FOTO: Juan Sagardía.
  • Correlimos de Bonaparte Calidris fuscicollis. Praia da Ermida, Corme (A Coruña). FOTO: Daniel L. Velasco.
  • Fumarel aliblanco Chlydonias leucopterus. Encoro das Forcadas, Valdoviño (A Coruña). FOTO: Pablo Gutiérrez.
  • Paíño de Wilson Oceanites oceanicus. Costa de A Coruña. FOTO: Juan Sagardía. Mosquitero sombrío
  • Phylloscopus fuscatus. Fisterra (A Coruña). FOTO: Pablo Gutiérrez.

Na segunda rolda de votacións, aberta a todos os interesados até o vindeiro domingo 19 de febreiro ás 22 h, hai que escoller unha especie en cada categoría.

A información das distintas observacións, fotos candidatas e instruccións de votación están publicadas no blog www.travellingbirds.blogspot.com.

A entrega de premios terá lugar o domingo 26 de febreiro en Ortigueira (A Coruña) durante un xantar de confraternización aberto a todos os afeccionados á ornitoloxía e o bo comer, previo aviso á organización.
Segue lendo...

RARO 2011: aberta a primeira rolda de votacións


  • A quinta edición dos premios RARO recoñecerá a observación ornitolóxica máis singular entre quince nomeadas.
  • A primeira rolda de votacións está aberta a todos os interesados até o vindeiro venres 10 de febreiro ás 22 h.

Cada ano chegan a Galicia moitas especies de aves escasas ou que non son propias da nosa rexión, e coñécense como rarezas dentro do mundo da ornitoloxía. Pode tratarse tanto de aves de orixe americana, asiática ou africana, como propias doutras partes de España que resultan moi difíciles de ver no Noroeste peninsular. Estas observacións levantan unha expectación extraordinaria entre os ornitólogos, xa que supoñen unha oportunidade única de ver estas especies.

Este ano terá lugar a quinta edición dos premios RARO, dirixidos a destacar a observación ornitolóxica máis singular do ano, e a segunda do VAIA FOTO!, que premia a mellor fotografía dunha rareza en Galicia. Estes galardóns pretenden animar a todo o mundo a afeccionarse á observación de aves, unha actividade altamente satisfactoria e comprometida coa conservación do medio natural.

A primeira rolda de votacións está aberta a todos os interesados até o vindeiro venres 10 de febreiro ás 22 h, e hai que elixir a 5 dos 15 finalistas de cada categoría publicados no blog www.travellingbirds.blogspot.com. Na segunda rolda, que rematará o domingo 19 de febreiro ás 22 h, haberá que escoller un entre eses cinco. Para votar só hai que enviar un correo electrónico a Pablo Gutiérrez (pabletevarga(@)yahoo.es), membro do comité de rarezas da SEO e co-organizador dos premios RARO.

A entrega de premios terá lugar o domingo 26 de febreiro en Ortigueira (A Coruña) durante un xantar de confraternización aberto a todos os afeccionados á ornitoloxía e o bo comer, previo aviso á organización.

Na pasada edición dos premios RARO e VAIA FOTO! máis de 100 persoas votaron para elixir a observación máis excepcional e envexable, e a mellor foto do 2010, e case 40 asistentes participaron no xantar e a entrega de premios.

Os gañadores de anteriores edicións foron:

  • RARO07: Charadrius leschenaultii, 1 exemplar en Ponteceso (A Coruña) o 31 de xullo de 2007 (Marcos Otero e María Vidal). Esta limícola cría desde Turquía ata o leste de Asia, e inverna nas costas do océano Índico e as Australianas. Primeira cita para Galicia e terceira para España.
  • RARO08: Xenus cinereus, 1 exemplar en Baldaio (A Coruña) o 25 de xullo de 2008 (Xabi Varela Varela). Primeira cita para Galicia.
  • RARO09: Hippolais caligata, 1 exemplar en Cobas, Ferrol (A Coruña) o 8 de outubro de 2009 (Pablo Gutiérrez). Primeira cita para Galicia desta especie asiática.
  • RARO10: Phaeton aethereus, 1 exemplar pasando fronte a Estaca de Bares (A Coruña) o 18 de outubro de 2010 (Antonio Sandoval, Ricardo Hevia e Álvaro Barros). Primeira cita para Galicia, e primeira cita desde terra para península Ibérica e Europa continental.
  • VAIA FOTO!10: Empate entre Antonio Gutierrez (foto de Stercorarius longicaudus, págalo rabero) e José Luis Salaverri (foto de Anthus cervinus, bisbita gorgirrojo).
Segue lendo...

Resultados de Coruñaves 2012 (III maratón ornitolóxica no municipio da Coruña)

O pasado domingo día 8 de xaneiro de 2012 celebrouse a terceira edición da maratón ornitolóxica do municipio da Coruña, organizada polo Grupo Naturalista Hábitat co apoio de Foto Artús. Esta maratón, bautizada este ano como Coruñaves 2012, tivo como principal obxectivo observar o maior número de especies de aves dentro do concello herculino ao longo dunha mañá en grupos de 2 ou 3 observadores.

Os tres equipos participantes foron:
Equipo A: Óscar Vázquez, Santi Vázquez e Luis Corral.
Equipo B: Alberto Monteagudo, Antía e Belén Lorenzo
Equipo C: Óscar Llama e Damián Romay

Ás 9:30 h partiron desde o local de Hábitat na rúa Camariñas, regresando a este ás 13:30 h, tras percorrer varios lugares do municipio a pé ou empregando as liñas de autobús público, garantindo así a absoluta sustentabilidade ecolóxica da iniciativa.

Os resultados finais foron moi notables, con 55 especies de aves vistas en total polos tres equipos, destacando as observacións de mergullón de pescozo negro (Podiceps nigricollis), gaivota arxéntea (Larus argentatus), arao (Uria aalge) e pardal montés (Passer montanus), todas elas especies escasas ou raras na Coruña. 22 especies foron vistas por un só dos grupos, conseguindo por elo 3 puntos. Outras 10 foron observadas por dous equipos (obtendo por isto 2 puntos) e 23 serían vistas polos tres equipos participantes (1 punto).

O equipo gañador, formado por Óscar Llama Palacios e Cosme Damián Romay Cousido, logrou observar 46 especies de aves, acumulando 84 puntos, en boa parte grazas a ver 15 especies non detectadas polos outros grupos. O premio foi unha cesta de produtos Hábitat, que incluía, entre outros agasallos, os derradeiros números de Chioglossa e A Mobella e un forro polar de Hábitat.

A continuación poder ver os resultados das especies avistadas por equipos e por zonas:

Segue lendo...

Asemblea extraordinaria-ordinaria 20-1-2012

O vindeiro venres 20 de xaneiro de 2012 ás 19:30 h (20 h en segunda convocatoria) terá lugar a Asemblea Xeral Extraordinaria do Grupo Naturalista Hábitat, no local da rúa Camariñas 8, baixo (A Coruña).
Ver convocatoria e orde do día.

De seguido, celebrarase a Asemblea Xeral Ordinaria ás 20:30 h (21 h en segunda convocatoria).
Ver convocatoria e orde do día.

Nota: Podedes solicitar copia en formato dixital do resumo da asemblea anterior vía email a gnhabitat@yahoo.es. Segue lendo...

A selva na casa

La Asociación Herpetológica Española denuncia el uso sensacionalista y recreativo que se hace de los animales en el programa emitido por la cadena de televisión Cuatro “La Selva en Casa”.

Se queres ler o comunicado completo da AHE, preme AQUÍ. Segue lendo...